काठमाण्डौ  – एमाले मोरङको अध्यक्षमा ओली पक्षका उम्मेदवार विनोद ढकाल विजयी भएका छन् । ढकालले ५ सय ३ मत प्राप्त गरे भने उनका निकटम प्रतिद्वन्दी नेता माधवकुमार नेपाल खेमाका महेश रेग्मीले ३ सय २ मत प्राप्त गरे । अघिल्लो अघिवेशनमा महेश रेग्मीले विनोद ढकाललाई २१ मतअन्तरले पराजित गरि अध्यक्ष भएका थिए ।

त्यस्तै उपाध्यक्षमा रामलाल साह, सचिवमा ऋषि पोखरेल र सहसचिवमा घना तामाङ विजयी भएका छन् । विजयी सबै ढकाल प्यानलमा हुन् । नेतृत्व चयनका लागि बुधबार निर्वाचन सम्पन्न भए पनि मतगणना भने बिहीबार दिउँसो १ बजेबाट सुरु भएको थियो ।

उपाध्यक्षमा विजयी रामलाल साहले ६ सय ४९ मत पाए भने उनका प्रतिस्पर्धी सत्यनारायणले ३ सय ५७ मत पाएका थिए । उपाध्यक्षमा ५ सय ७ मत ल्याएर ऋषि पोखरेल र सहसचिवमा ५ सय ७ मतसहित विद्या चाम्लिंगसँगै ४ सय ५८ मत ल्याएर घना तामाङ विजयी भएकी छन् । मतदानमा कुल ८ सय ६५ मत खसेको थियो ।