- अर्थ सरोकार संम्वाददाता
काठमाण्डौ – संविधान संशोधनको विरोधमा नेकपा एमालेसहित विपक्षी नौ दलहरु गरेको शक्ति प्रदर्शनले मुलुकलाई मुठभेड तर्फ उन्मुख गराएको संघीय समाजवादी फोरम नेपालका अध्यक्ष उपेन्द्र यादवले आरोप लगाएका छन् ।
मोरङको विराटनगमा शुक्रबार पत्रकारहरुसँग कुरा गर्दै अध्यक्ष यादवले एमालेको शक्ति प्रदर्शन बेमौसमी बाजाको संज्ञा दिए । उनले एमालेको शक्ति प्रर्दशनले जारी राजनीतिक गतिरोध अन्त्य नहुने चेतावनी दिए ।
परिमार्जन सहित संशोधन विधेयक पारित गरेर निर्वाचनमा जानुपर्ने माग गर्दै आएको मधेशी मोर्चा घटक फोरम नेपालका अध्यक्ष यादवले संविधान संशोधन बिना चुनाव भए आफुहरुलाई मान्य नहुने बताए ।
संविधान संशोधन मार्फत मधेसी जनताको अधिकार सुनिश्चित गरिए मात्रै निर्वाचनमा जान सकिने उनको भनाइ छ ।
