×

Live on

रेडियो अर्थ सरोकार

Listen to live radio.

वेष्टर्न डेभलपमेन्ट बैंकको नाफा शतप्रतिशत बढ्यो

GLOBAL IME BANK

वेष्टर्न डेभलपमेन्ट बैंकको नाफा शतप्रतिशत बढ्यो

७ माघ २०७३, शुक्रबार

पढ्न लाग्ने समय: १ मिनेटभन्दा कम

  • अर्थ सरोकार संम्वाददाता 

काठमाडौ – दाङमा केन्द्रिय कार्यालय रहेको वेष्टर्न डेभलपमेन्ट बैंकले ६ महिनामा पाँच करोडभन्दा बढी नाफा गरेको जनाएको छ । बैंकले यस आर्थिक वर्षको ६ महिनामा ५ करोड ४२ लाख ४७ हजार रुपैँया नाफा गरेको हो ।
यो रकम गत आर्थिक वर्षको यहि समयको नाफा रकमभन्दा एकसय नौ प्रतिशत बढी भएको बैंकले प्रेस विज्ञप्तिमार्फत जनाएको छ । यस्तै बैंकले खुद मुनाफा  २ करोड ६४ लाख ५८ हजार रुपैँया कमाएको छ । यो खुद मुनाफा गत वर्षको भन्दा ९३।४३ प्रतिशतले बढी हो ।
बैंकको निक्षेप पनि गत वर्षको भन्दा बढेको छ । निक्षेप २३।८८ प्रतिशत बढेर २ अर्ब २९ करोड ९३ लाख रुपैँया पुगेको छ । यस्तै बैंकले कर्जा लगानी पनि गत वर्षको भन्दा ४८।७६ प्रतिशत बढाएको छ ।  बिज्ञप्ति अनुसार बैंकले यस आर्थिक वर्षको ६ महिनामा १ अर्ब ७३ करोड ८१ लाख रुपैँया कर्जा प्रवाह गरेको छ।
बैंकको दाङ, बाँके र कपिलबस्तुमा १३ शाखाहरु संचालनमा छन् । साथै बैंकले बाँकेकै समशेरगंज, सम्झनाबजार र खजुराबजारमा थप ३ वटा नयाँ शाखाहरु संचालन गर्ने तयारी गरेको समेत जानकारी दिएको छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: