एजेन्सी – चीनमा भएको एक हप्ता लामो पर्व बिदाको समयमा ३९ जनाको मृत्यु भएको छ । चीनको सार्वजनिक सुरक्षा मन्त्रालयले शनिबार जनाएअनुसार देशका विभिन्न भागमा भएको आगलागीका घटनाबाट ३९ जनाको मृत्यु भएको हो ।
बिदाका समयमा देशभर १३ हजार ७९६ आगलागीका घटना भएका र ती घटनामा ३९ जनाको मृत्यु भएको मन्त्रालयद्वारा जारी एक विज्ञप्तिमा जनाइएको छ । यद्यपि यो अघिल्लो वर्षको तुलनामा २६।४ प्रतिशत कमी हो ।
चिनियाँ प्रहरीले राष्ट्रव्यापी रुपमा सञ्चालन गरेको आगलागीका घटना नियन्त्रणमा गरेको पहलले उक्त समयमा धेरै मानिसको ज्यान जाने जोखिमलाई काम गरेको मन्त्रालयले जनाएको छ ।
पर्वका समय व्यवसायिक मल, पवित्र धार्मिकस्थल, मन्दिर वरपरका धार्मिक महोत्सव गरिने स्थल लगायतका ठाउँमा प्रहरीले निगरानीलाई मजबुत पारेको थियो ।
प्रतिक्रिया दिनुहोस्