काठमाण्डौ – पछिल्लो समय चितवनमा सवारी दुर्घटनामा उल्लेखनीय वृद्धि भएको छ । जिल्ला प्रहरी कार्यालय चितवनले दिएको जानकारी अनुसार पछिल्लो तीन महिनामा मात्रै यस क्षेत्रमा ३४ जनाले ज्यान गुमाएका हुन् । जिल्ला प्रहरी कार्यालयका प्रहरी प्रमुख एवं प्रहरी उपरीक्षक दीपक थापाले मंसिर, पुस र माघ महिनामा मात्रै साना ठूला गरी एक सय दुर्घटना भएकोमा  ३४ जनाले आफ्नु ज्यान गुमाए भने, १५८ जना घाइते भएको मध्ये केही अङ्गभङ्ग भएको बताए । 

एसपी थापाले भने, प्रहरीले लापरबाही गरी सवारी चलाउने तीन जना चालकलाई कारबाही स्वरुप पूर्पक्षका लागि थुनामा पठाएको छ । यहाँ  प्रत्यक दिन ३÷४ वटा साना ठूला दुर्घटना हुने गरेको छ । यसको मुख्य कारण सडकको दुरा अवस्था र चालकको लापरबाही रहेको प्रहरी उपरीक्षक थापाले बताए । सबै भन्दा बढी दुर्घटना नारायणगढ–मुग्लिन सडक खण्डमा हुने गरेको छ । 

तीन महिनाको बीचमा सो सडक खण्डमा ३÷४ वटा यात्रुबाहक बस र ट्रक नदीमा खसेका छन् । जिल्ला प्रहरी कार्यालय चितवनले सडक दुर्घटना न्यूनीकरणको लागि सडक सुरक्षा योजना बनाएर काम गरिरहेको बताए । दुर्घटनाको अनुपातलाई हेर्दा प्रहरीले सुरू गरेको सडक सुरक्षा योजना असफल भएको सावित भएको छ । 

प्रहरीको सडक सुरक्षा कार्यक्रम दुर्घटना न्यूनीकरणतर्फ केन्द्रीत नभई सवारी जाँच गरेर पैसा संकलन गर्ने तर्फ केन्द्रित भएको देखिएको छ ।