×

Live on

रेडियो अर्थ सरोकार

Listen to live radio.

भारतको बेङ्लोरमा एप्पलको उद्योग स्थापना हुँदै, उद्योग स्थापनाले भारतमा एप्पलको बजार बढ्ला ?

GLOBAL IME BANK

भारतको बेङ्लोरमा एप्पलको उद्योग स्थापना हुँदै, उद्योग स्थापनाले भारतमा एप्पलको बजार बढ्ला ?

२३ माघ २०७३, आईतवार

पढ्न लाग्ने समय: १ मिनेटभन्दा कम

एजेन्सी – एप्पलले दक्षिण भारतीय राज्य कर्नाटकमा आइफोन उद्योग खोल्ने तयारी गरिरहेको छ । एप्पलले बैङ्लोरमा फ्याक्ट्री खोल्न लागेको कर्नाटकका सूचना तथा प्रविधिमन्त्री प्रयाग खार्गेले बताए।
भारतीय पक्षले यो कुराको पुष्टि गरेपनि एप्पलले भने आधिकारिक घोषणा गरिसकेको छैन । एप्पलले भारतमा ठूलो लगानी गर्न चाहेको भने बताउँदै आएको छ ।आगामी अप्रिल महिनादेखि भारतमा एप्पलले उत्पादन सुरु हुने उनले जानकारी दिए।
एप्पलले भारतीय मोबाइल बजारको २ प्रतिशत हिस्सा मात्र ओगटेको छ । बजारमा सामसुङका स्मार्ट फोनहरुको दवदबा छ र हाल एप्पलले प्रिमियम ब्राण्डको रुपमा मात्र आफ्नो उत्पादन बेचिरहेको अवस्था छ । यस्तो अवस्थामा भारतीय बजारमा आफ्नो उपस्थिती बढाउनका लागि एप्पलले भारतमा लगानी गर्न लागेको बताइएको छ । 
बजारमा बिक्री प्रतिशत कम भएपनि एप्पलले भारतीय बजारमा आफ्नो संभावना बलियो देखेको छ। प्रिमियम फोनहरुको बजारमा एप्पलको आधा जतिनै कब्जा छ त्यसैको बलमा एप्पलले बजार बिस्तारको रणनीति लिएको छ । भारतमा आइफोन सानो समूहको लागि मात्र लक्षित छ त्यसैले एप्पलको अहिलेसम्म भारतमा आफ्नो ब्राण्डको छुट्टै स्टोर छैन । 
भारतमा  यसको बजार त्यति ठूलो हुन नसक्ने विश्लेषकहरु बताउँछन् । भारतको ठूलो जनसंख्याले साधारण र सस्तो मोबाइल सेट मात्र किन्न सक्ने क्षमता राख्छन् । आइफोनको सबैभन्दा सस्तो भर्सनको पनि १९४ डलर पर्छ। महंगो आइफोन ७ प्लसको ११६४ डलर पर्छ । यही सुविधा भएका अन्य स्मार्टफोनहरुको भाउ भने १ सय देखि १२० डलरमात्र पर्छ ।
यसले गर्दा एप्पलको बजार खासै ठूलो हुन सक्ने देखिन्न । भारतमा फ्याक्ट्री खोलेपछि भने एप्पलका सेटहरुको भाउ केही घट्न सक्ने भारतीय बजारले आशा गरेको छ । समाचार अनुसार एप्पलले आफ्नो फ्याक्ट्री बनाउने जिम्मा ताइवानी कम्पनी विस्ट्रनलार्इ सुम्पिसकेको छ ।
उत्पादनका लागि भने एप्पलको सबैभन्दा ठूलो साझेदार ताइवानी जायन्ट फक्सकन हो जसले चीनमा विश्वकै सबैभन्दा ठूलो आइफोन फ्याक्ट्री संचालन गर्दै आएको छ । एप्पलले एकैपटक उत्पादनमा नगइ पहिलो चरणमा एसेम्बल गर्ने र दोस्रो चरणमा मात्र उत्पादनमा जान सक्ने अनुमान गरिएको छ। 
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: