काठमाडौ – अरनिको डेभलपमेन्ट बैंकको ९४ हजार ८५०.३४ कित्ता सेयर लिलामी भर्ने सोमबार अन्तिम दिन हो । आज कार्यालय समयभित्र यो सेयरमा आवेदन दिइसक्नुपर्नेछ । बैंकले सर्वसाधारण समूहको ५१ हजार ९०.४१ कित्ता र संस्थापक समूहतर्फ ४३ हजार सात सय ५९.९३ कित्ता सेयर लिलामीमा बिक्री खुला गरेको हो । 

यसअघि अरनिकोले कात्तिक ८ देखि मंसिर १२ गतेसम्म हकप्रद सेयर बिक्री खुला गरेको थियो । बैंकले हकप्रद निष्कासन गर्दा बिक्री नभएको सेयर लिलामीमा ल्याएको हो । 

लगानीकर्ताले न्यूनतम मूल्य एक सय रुपैयाँभन्दा माथि मूल्य राखी बोलपत्र फारम भर्नुपर्नेछ । आवेदककले सिद्धार्थ क्यापिटल लिमिटेड नारायणचौर नक्साल काठमाडौँ र अरनिको डेभलपमेन्ट बैंकको केन्द्रीय कार्यालय धुलिखेल काभ्रेबाट बोलपत्र फारम लिन र बुझाउन सक्नेछन् ।

 अरनिकोको लिलामी सेयरमा बिक्री प्रबन्धकको काम सिद्धार्थ क्यापिटल लिमिटेडले गरेको हो । बोलपत्र माघ २५ गते दिउँसो ३ बजे सिद्धार्थ क्यापिटल लिमिटेड नारायणचौर नक्साल काठमाडौंमा खोलिनेछ ।