×

Live on

रेडियो अर्थ सरोकार

Listen to live radio.

केपी ओली र सीके राउत एकै सिक्काका दुई पाटा हुन् : बाबुराम भट्टराई

GLOBAL IME BANK

केपी ओली र सीके राउत एकै सिक्काका दुई पाटा हुन् : बाबुराम भट्टराई

१ फाल्गुन २०७३, आईतवार

पढ्न लाग्ने समय: १ मिनेटभन्दा कम

  • अर्थ सरोकार सम्बाददाता 

 काठमाडौं – नयाँ शक्ति पार्टी नेपालका संयोजक एवम् पूर्व प्रधानमन्त्री डा बाबुराम भट्टराईले नेकपा एमालेका अध्यक्ष केपी ओली र हालै राज्यविप्लव मुद्दामा पक्राउ परेका सीके राउत एउटै सिक्काका दुई पाटा भएको टिप्पणी गरेका छन् । 
संयोजक भट्टराईले मधेसमा देखिएको समस्या सम्बोधन नभएकै कारण सीके राउत प्रवत्ति हावी भएको र त्यस्तो प्रवृत्तिलाई एमाले अध्यक्ष ओलीले मलजल गरिरहेको आरोप समेत लगाए । एकल जातीय अहंकारवादको आधारमा विभेद गर्दा मधेसी, थारु र आदिवासी जनजाति  समुदायमा ठूलो असन्तुष्टी हुन पुगेको छ । त्यसैको परणामस्वरुप सीके राउत प्रवृत्ति आइरहेको छ ।
 त्यसलाई बल पुर्‍याउने काम खस आर्य पहाडे अशंकारवादले गरेको छ। त्यसको नेतृत्व लिन केपी ओली र अन्य बीच प्रतिस्पर्धा चलिरहेको छ । त्यसकै अर्को पाटो सीके राउत हो भन्ने म ठान्छुु उनले भने  केपी ओली र सीके राउत एउटै सिक्काको अलग अलग पाटाहरु हुन्। तर हाम्रो देश अखण्ड नेपाल हो । देशलाई टुक्र्याउने कुरा हामी कसैले गर्नु हुँदैन ।   
आइतबार जनकपुरमा स्थानीय सञ्चारकर्मीसँग कुरा गर्दै भट्टराईले मधेसको माग सम्बोधन नगरी मुलुक निर्वाचनमा गए गम्भीर संकटमा फस्ने चेतावनी पनि दिए । उनले मुलुकलाई एकतावद्ध बनाएर लैजान पनि मधेसको माग सम्बोधन गर्नुको विकल्प नरहेको जिकिर गरे । 
संयोजक भट्टराईले संघीयता कार्यान्वयनमा चुनौती थपिएकाले समस्या समाधानका लागि आफ्नो पार्टीले सहजीकरणको भूमिका निर्वाह गरिरहेको दावी समेत गरे । मधेसको माग सम्बोधन गरेर मात्रै निर्वाचनमा जान सरकारलाई आफनो पार्टीले सुझाव दिँदै आएको उनको भनाइ छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: