काठमाडौँ – बैंकलाइ ब्रोकर लाइसेन्स दिने वा नदिने भन्ने चर्चा- परिचर्चा भईरहेका बेला बैंकर्स एसोसीएसन संस्थागत रुपमै ब्रोकर लाइसेन्सको माग गर्दै नेपाल राष्ट्र बैंक, धीतोपत्र बोर्ड र नेप्से जाने भएको खुलासा भएको छ । सेयर लगानीकर्ता संघसँगको भेटमा बैंकर्स एसोसीएसनका अध्यक्ष अनील शाहले यस्तो बताएको संघका सह-प्रवक्ता हरिश दाहालले अर्थ सरोकार डटकमलाई जानकारी दिएका छन् ।

‘बैंकलाइ ब्रोकरको लाइसेन्स दिन माग गर्दै बैंकर्स एसोसीएसन नै सम्बन्धित निकायमा पुग्न लागेको खबरले हामी उत्साहित छौं । यसले नेपाली पूँजीबजारको अवस्थालाई अझ मजबुत बनाउनेछ भन्ने हाम्रो आशा छ ।’ सह- प्रवक्ता दाहालले अर्थ सरोकार डटकमसंग भने ।

बैंकलाइ लाइसेन्स दिने प्रक्रिया सुरु भए, बजारले छलाङ मार्ने सरोकारवालाहरुको दावी छ ।