×

Live on

रेडियो अर्थ सरोकार

Listen to live radio.

वायु सेवा निगमको अनलाईन टिकेटिङ तीन महिनाभित्रै, घरमा बसीबसी टिकट लिन र भुक्तान गर्न सकिने

GLOBAL IME BANK

वायु सेवा निगमको अनलाईन टिकेटिङ तीन महिनाभित्रै, घरमा बसीबसी टिकट लिन र भुक्तान गर्न सकिने

४ फाल्गुन २०७३, बुधबार

पढ्न लाग्ने समय: १ मिनेटभन्दा कम

  • अर्थसरोकार सम्बाददाता 

काठमाडौं – राष्ट्रिय ध्वजाबाहक नेपाल वायुसेवा निगमले अनलाइन टिकट बुकिङको तयारी थालेको छ । निगमले तीन महिनाभित्र अनलाइन टिकट तथा पेमेन्ट गेटवे (भुक्तानी प्रणाली) शुरुवात गर्ने भएको हो । यसका लागि सफ्टवेयर विकासलगायत सवै तयारी थालिएको निगमका प्रवन्ध निर्देशक सुगतरत्न कंशाकारले जानकारी दिए ।
निगमले विमानको टिकट लिन कार्यालयसम्म पुग्नुपर्ने बाध्यताको अन्त्य गर्न अनलाइन टिकटको व्यवस्था गर्न लागेको हो । यसका लागि  कम्पनी छनौट तथा सम्झौता समेत भइसकेको उनले जानकारी दिए । ‘टिकट बुकिङ तथा विद्युतीय भुक्तानी प्रणलीको लागि खुल्ला प्रतिशपर्धाबाट कम्पनी छनौट गरिसकेका छौं’ उनले भने ‘अवको ३ महिनाभित्र ति कम्पनीले काम शुरु गरिसक्ने छन् ।’
अनलाइन टिकट बुकिङ र भुक्तानीको लागि भारतीय र थाइल्यान्डको कम्पनीसँग सम्झौता भएको हो । जसअनुसार अनलाइन बुकिङको लागि भारतको सफ्टवेयर कम्पनी ‘बर्डस’ सफ्टवेयर निर्माणको जिम्मा पाएको छ । त्यस्तै अनलाइन भुक्तानीको लागि थाइ कम्पनीसँग सम्झौता भइसकेको छ ।
बुकिङ र भुक्तानीको लागि अनलाइन प्राणली शुरु भएपछि यात्रुलाई सेवा लिन सहज र सर्वसुलभ हुने निगमले विश्वास लिएको छ । संसारको जुनसुकै कुनाबाट पनि क्रेडिट कार्डबाट भुक्तानी गर्न मिल्ने र अनलाईनबाटै टिकट बुकिङ गर्न मिल्ने भएकोले टिकट खरिद विक्रीमा पारदर्शिता हुने उनले बताए । त्यस्तै भनसुनको भरमा टिकट पाइने भ्रमको पनि अन्त्य हुने उनको भनाई छ ।
निगलमे अन्य निजी क्षेत्रका एयरलाइन्सहरुको भन्दा सस्तो मूल्यमा टिकट उपलब्ध गराएपनि टिकटमा झण्झट भएको यात्रुको गुनासो छ । ‘अव टिकट बुकिङ र भुक्तानीमा यात्रुलाई सहज हुने छ’ कंसाकारले भने ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: