×

Live on

रेडियो अर्थ सरोकार

Listen to live radio.

मूल्यबृद्धि बाहेक बाँकी सूचक निरासाजनक, रेमिट्यान्स बृद्धिदर घट्यो

GLOBAL IME BANK

मूल्यबृद्धि बाहेक बाँकी सूचक निरासाजनक, रेमिट्यान्स बृद्धिदर घट्यो

६ फाल्गुन २०७३, शुक्रबार

पढ्न लाग्ने समय: १ मिनेटभन्दा कम

  • अर्थ सरोकार संम्वाददाता 

काठमाडौं – नेपाल राष्ट्र बैंकले मूल्यबृद्धि दर ३.२ प्रतिशतमा झरेको जनाएको छ । गत बर्ष नाकाबन्दीका बेला १२.१ प्रतिशत पुगेको मूल्यबृद्धि दर चालु आर्थिक बर्षको ६ महिनामा तीन प्रतिशत हाराहारी आएको हो ।
नाकाबन्दी हटेसँगै सहज आपूर्ति र भारतमा पनि मूल्यबृद्धि झरेका कारण त्यसको प्रभाव नेपालमा पनि परेको राष्ट्र बैंकले शुक्रवार सार्वजनिक गरेको विवरणमा उल्लेख छ ।
ब्यापार घाटा
देशको समग्र ब्यापार घाटा भने झन् झन् फराकिलो हुँदै गएको छ। ब्यापार घाटा ७४ प्रतिशतले बढेर ४२८ अर्ब ३३ करोड रुपैयाँ पुगेको छ ।
६ महिनामा बस्तु आयात ६७।३ प्रतिशतले बढेर ४६४ अर्ब ६१ करोड पुगेको छ। जबकी निर्यात जम्मा ३६ अर्ब २७ करोड रुपैयाँको मात्र भएको छ । यातायात साधन तथा त्यसको पार्टपुर्जा, पेट्रोलियम पदार्थको आयात उल्लेख्य रुपमा बढेको छ ।
भारतबाट मात्रै ४४ अर्बको सवारी साधन तथा मोटर पार्टस भित्रिएको छ । ४९ अर्ब ९८ करोड रुपैयाँको पेट्रोलियम पदार्थ भित्रिएको छ ।
शोधनान्तर
आयात अस्वभाविक रुपमा बढेपछि देशको शोधनान्तर बचत ४५ अर्ब दुई करोड रुपैयाँमा खुम्चिएको छ। गत बर्षको पुसमा यस्तो बचत १३९ अर्ब ७५ करोड रुपैयाँ थियो। देशको चालु खाता त घाटैमा गएको छ । गत बर्ष १५७ अर्ब ५२ करोड रुपैयाँ उच्च बचतमा रहेको चालु खाता आयात बढेका कारण यसपाली एक अर्ब ८ करोड रुपैयाँ घाटामा गएको छ ।
वैदेशिक रोजगारीमा जाने नेपालीहरुको संख्यामा कमी आएपछि रेमिट्यान्स बृद्धि दरसमेत घटेको छ। गत बर्ष १७.३ प्रतिशतले बढेको रेमिटेन्स यसपाली ५.७ प्रतिशतले मात्र बढेको छ । ६ महिनामा ३४२ अर्ब २३ करोड रुपैयाँ रेमिट्यान्स भित्रिएको छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: