×

Live on

रेडियो अर्थ सरोकार

Listen to live radio.

बैंक तथा सुनचाँदी पसलको सुरक्षा गर्न चितवनमा आजदेखी ‘टास्क फोर्स’

GLOBAL IME BANK

बैंक तथा सुनचाँदी पसलको सुरक्षा गर्न चितवनमा आजदेखी ‘टास्क फोर्स’

२ फाल्गुन २०७३, सोमबार

पढ्न लाग्ने समय: १ मिनेटभन्दा कम

  • अर्थ सरोकार संम्वाददाता 

काठमाण्डौ  – चितवनको नारायणगढ र भरतपुर क्षेत्रमा रहेका बैंक, वित्तीय संस्था तथा सुनचाँदी व्यवसायको सुरक्षाका लागि हतियारसहितका सुरक्षाकर्मीलाई चौबीसै घण्टा परिचालन गर्न थालिएको छ । सोमबारदेखि लागु हुनेगरी सो क्षेत्रमा शान्ति सुरक्षा र अपराध नियन्त्रणका लागि प्रहरीको क्यूआरटी टोलीसहित ‘फाइनान्स टास्क फोर्स’ परिचालन गरिएको चितवन प्रहरीले जनाएको छ ।
 यहाँको सुनचाँदी व्यवसायमा लगातार चोरीका घटना भएपछि आइतबार उद्योग वाणिज्य संघ, सुनचाँदी व्यवसायी र प्रहरी बीचको छलफलले यस्तो निर्णय गरेको थियो । यसअघि सुरक्षाको माग गर्दै सुनचाँदी व्यवसायीले आन्दोलनको घोषणा गरेका थिए । सहमतिसँगै आन्दोलन टुंगिएको छ ।
‘आजबाट चौबीसै घण्टा, हातहतियार र सञ्चार सेटसहित क्यूआरटी टोली र फाइनन्स टास्कफोर्स परिचालन भएको छ, चितवनका प्रहरी नायव उपरीक्षक दिपक श्रेष्ठले भने, ‘आवश्यकता अनुसार मोबाइल टोलीसमेत खटाइएको छ ।’ नारायणगढमा यही माघ २० गते राति आधुनिक सुनचाँदी पसलबाट ४ किलो सुन र ४ किलो ५०० ग्राम चाँदीसहित नगद ७ रुपैयाँ लाख चोरी भएको थियो ।
  शुक्रबार राति फेरि अनुग्रह गहना सप्लायर्सबाट करिब ८ लाख बराबरको सुनको जलप गरिएका गहनाहरु चोरी भयो । चोरीमा संलग्नलाई प्रहरीले पक्राउ गर्न सकेको छैन ।  सुरक्षा कमजोर भएर चोरीका घटना बढेको भन्दै सुनचाँदी व्यवसायीले चितवन प्रशासनमार्फत सरकारलाई ज्ञापनपत्रसमेत बुझाएका थिए । 
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: