काठमाडौं – डिप्रोक्स लघुवित्त विकास बैंक लिमिटेड (Deprosc Development Bank Limited.)  ले दोस्रो त्रैमासमा मुनाफा ६५ दशमलव ९७ प्रतिशतले वृद्धि गरी १४ करोड ७० लाख रुपैयाँ आर्जन गरेको छ । गत वर्ष सोहि अवधिमा ८ करोड ८५ लाख रुपैयाँ मुनाफा रहेको थियो ।

बैंक  (DDBL) ले निक्षेपमा ४२ दशमलव ७४ प्रतिशतले वृद्धि गरी १ अर्ब ३९ करोड ६३ लाख रुपैयाँ संकलन गरेको छ । बैंकले कर्जामा ४ अर्ब ६९ करोड १२ लाख रुपैयाँ पुर्याएको छ । बैंकले खुद व्याज आम्दानी ४० दशमलव ५५ प्रतिशतले बढेर ३० करोड ५१ लाख रुपैयाँ र संचालन मुनाफा ६५ दशमलव ८३ प्रतिशत वृद्धि गरी १९ करोड ९१ लाख रुपैयाँ पुगेको छ । 

बैंकले सम्भावित नोक्सानी व्यवस्थामा ३ करोड ७७ लाख रुपैयाँ राखेको भने सम्भावित नोक्सानी व्यवस्थाबाट ३ करोड १८ लाख रुपैयाँ उठाउन सफल भएको छ ।

प्रतिशेयर आम्दानी ५७ रुपैयाँ, मूल्य आम्दानीको अनुपात ३८ दशमलव ९५ गुणा, प्रतिशेयर नेटवर्थ ३ सय २८ दशमलव ९६ रुपैयाँ र तरलता अनुपात ५ दशमलव ९१ गुणा रहेको छ । त्यस्तै जोखिम युत्त सम्पत्ति १७ दशमलव ६५ प्रतिशत र निस्कृय कर्जा शुन्य दशमलव ७७ प्रतिशत रहेको छ ।