काठमाडौँ – वाणिज्य बैंकहरुले गाडी सेयर तथा घरजग्गामा केही समय ऋण लगानी नगर्ने भएका छन् । गभर्नर र बैंकरहरुको बैठकमा गभर्नर डा. चिरञ्जिबी नेपालले बैंकहरुलाई यस्तो निर्देशन दिएका हुन् । गभर्नरको निर्देशनमा बाणिज्य बैंकहरुका प्रमुख पनि सहमत भएको खबर छ ।  

गभर्नर नेपालले घरजग्गा र सेयरधितो कर्जामा जस्तै गाडीमा पनि ऋणको सीमा
तोक्ने अवस्था आइसकेको बताएका थिए । राष्ट्र बैंकले लिएको
नीतिलाई पच्छ्याउँदै बैकहरुले अहिले अनुत्पादक शिर्षकमा पर्ने गाडी कर्जा
रोक्ने निर्णय गरेका हुन् । 

आज गभर्नरले वाणिज्य बैंकहरुलाई बोलाएर निर्देशन दिनुको मुख्य कारण ‘एनआइसी-एसिया बैंक’ ले सुरु गरेको प्रोपोगान्डा भएको बुझिएको छ । ‘एनआइसी एसिया बैंकका सीइओ अहिले बजार घटाउन लागि परेका छन् । त्यसै अनुसार हिजो बैंकले सेयर लिलामी गराएको थियो । उनको समूहको चर्को दवावपछी गभर्नरले समेत यस्तो निर्णय गरे । बजार ‘क्र्यास’ को दिशामा लैजाने एनआइसी एसियाको प्रयास धेरै हदसम्म सफल हुने आशंका बढेको छ। ‘ राष्ट्र बैंककै एक कर्मचारीले अर्थ सरोकार डटकमसंग भने ।