काठमाडौँ – भारतले पुन: हेपाहा प्रवृति देखाएको छ । भारतले भूपरिवेष्ठित मुलुकको पाउने पारवहन अधिकार तथा व्यापार तथा पारबहन सन्धि विपरित नेपालले भारतीय पोर्ट हुँदै तेस्रो मुलुकबाट आयात गर्ने वस्तुमा अतिरिक्त सेवा शुल्क कर लगाएको छ ।  सन्धिमा यो कर छुट हुने व्यवस्था थियो ।

भारतले राजपत्रमा सूचना प्रकासित गरेर १६ तारिखबाट कर उठाउन थालिएको छ । सन्धिको दफा ११ ले ‘स्वतन्त्र पारवहनको सुनिश्चिता गरेको छ र सेवा शुल्क र यातायात शुल्क बाहेक अतिरिक्त कर लगाउन पाइँदैन’ भनेको छ  ।

तर, सबै सहमति र अन्तराष्ट्रिय मान्यतालाई तल्याउँदै भारतले एकतर्फी रुपमा कर बढाएको छ । यो कर लगाउनु अघि नेपाली अधिकारीहरुसँग कुनै छलफल र जानकारी दिइएको पनि थिएन । यो घटनाले भारतको हेपाहा प्रवृतिलाई झन् प्रष्ट पारेको छ ।