×

Live on

रेडियो अर्थ सरोकार

Listen to live radio.

अर्थतन्त्र समस्यामा फस्यो भन्दै प्रथम हिमालय शम्शेर राणा गभर्नर छटपटिँदै पुगे अर्थमन्त्रालय

GLOBAL IME BANK

अर्थतन्त्र समस्यामा फस्यो भन्दै प्रथम हिमालय शम्शेर राणा गभर्नर छटपटिँदै पुगे अर्थमन्त्रालय

५ फाल्गुन २०७३, बिहीबार

पढ्न लाग्ने समय: १ मिनेटभन्दा कम

  • अर्थ सरोकार  संम्वाददाता 

काठमाडौं – सरकारले विकास खर्च नगरेपछि वित्तीय क्षेत्र पैसा नभएर थप लगानी गर्न नसक्ने अवस्थामा पुगेको छ । सरकारी खर्च नहुने र बैंकले पनि ऋण नदिने भएपछि अर्थतन्त्र त खत्तम हुन्छ नेपाल राष्ट्र बैंकका प्रथम गभर्नर हिमालय शम्शेर राणालाई यसले निक्कै पिरोल्यो ।
बृद्ध शरीरलाई डोहोर्याउँदै राणा अर्थसचिव भेट्न सिंहदरवार पुगे । भने लु यो त खत्तमै भयो, खर्च बढाउनु पर्यो ।
राणाले मुक्तिनाथ विकास बैंक काठमाडौं सरेको उपलक्ष्यमा आयोजित कार्यक्रममा अर्थ मन्त्रालयमा सुनाएको आफ्नो हुटहुटी दोहोर्याए तपाई अर्थ सचिव कर उठाउनु हुन्छ तर खर्च गर्नुहुन्न, यसले त अर्थतन्त्रै अप्ठेरो अवस्थामा पुग्यो ।
राणाको छटपटीको उत्तर अर्थसचिव शान्तराज सुवेदीले राम्रोसँग दिन सकेनन् । अर्थसचिवले भने कोशिश गरिरहेका छौं । प्रकृयागत जटिलताहरु पनि फुकाइदिएका छौं । तैपनि सम्बन्धित मन्त्रालय र विभागहरुले खर्च गर्न किन सकिरहेका छैनन्, म आफैँ अचम्ममा परेको छु ।
सचिवको जवाफले राणाको चित्त बुझेन । उनले बजेट निर्माण गर्ने जिम्मेवारी बोकेका सचिवलाई सुझाए सरकारले खर्च गर्न नसक्ने भयो। त्यसो हुँदा निजी क्षेत्रलाई विश्वास गर्नुपर्छ । तपाई कृषि उत्पादन बढाउने, पशुपन्छी उत्पादन बृद्धि हुने र रोजगारी बढाउने उद्योगलाई सस्तो ब्याजमा ऋण दिने ब्यवस्था मिलाउनुहोस् ।
अर्थतन्त्र कमजोर बन्दै गएपछि चिन्तित भएका राणालाई अर्थसचिवले अझै आश्वस्त पार्न सकेनन् । भने( यो निक्कै गाह्रो काम छ । म एकपटक गभर्नरसँग कुराकानी गर्छु ।
अर्थमन्त्रालयबाट निरासा बोकेर राणा फर्किए । अब केही दिनभित्रै उनी राष्ट्र बैंकका गभर्नर डा. चिरञ्जीबी नेपाललाई भेट्दै छन् ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: