×

Live on

रेडियो अर्थ सरोकार

Listen to live radio.

‘बजार स्वभाविक गतिमै छ, वियरिस बजारको भरपुर सदुपयोग गरौ’

GLOBAL IME BANK

‘बजार स्वभाविक गतिमै छ, वियरिस बजारको भरपुर सदुपयोग गरौ’

१६ फाल्गुन २०७३, सोमबार

पढ्न लाग्ने समय: २ मिनेटभन्दा कम

  • नरेन्द्र चुदाली
सेयर बजार विगत लामो समयदेखि घटीरहेको छ । गत साउनमा ऐतिहासिक १८८१ को विन्दुपछी लागेको ब्याक गियरको सृंखला रोकिन सकेको छैन । विचमा केही समय बजारले नयाँ गति लिन खोजेपनि त्यो सफल हुन सकिरहेको छैन। बुलपछि केहि समय करेक्सनमा गएको बजारले त्यस पछाडी त्यसलाई निरन्तरता दिदै वियरिस ट्रेन्डमा गयो । सामान्यतया ६० दिनसम्म लगातार एउटै गतिमा बजार गयो भने त्यसलाई ट्रेण्ड भन्ने गरिएपनि अहिले बजार साउन पछाडी लगातार जसोनै घटिरहेको छ । चुनावको घोषणा पछि बजार फर्किने आशा गरिएपनि त्यसो हुन सकेन् ।
बजारमा उतावचढाव आउनुका पछाडी धेरै कारण रहे । बजारको पिक लगत्तै बजारमा देखिएको गिरावट करेक्सन थियो । अर्को कुरा बजार १८८१ पुग्दै गर्दा त्यो उचाई बजारको आधारभुत पक्षभन्दा फरक थियो । गत बैशाखपछि साउन सम्मको अबधिमा बजार जुन गतिमा बढ्यो, त्यो बजारको आधारभुत विश्लेषण र तथ्यभन्दा फरक गतिमा थियो । यसको मतलब त्यतीबेला बजार बढ्नलाई सकारात्मक वातावरण आएपनि त्यसलाई बजारको मनोविज्ञानले अनावश्यक प्रतिक्रिया दियो । बजारका आधारभुत पक्षलाई हेर्दा बजारमा हरियाली छाउनु जायज थियो तर दिनहु सर्कीट ब्रेक गर्नेगरी बजार बढ्नु भने स्वभाविक थिएन । त्यसमा केही हदसम्म हल्ला भ्रम र चलखेलले पनि साथ दियो । धितोपत्र बोर्डले बारम्बार सचेत पनि गरायो । 
आखिर बजार आफ्नो साईजमा आउनुनै थियो । बजेट र मौद्रीक नितीसंगै बजार करेक्सनको दिशामा गयो । त्यसपछिको अवस्थामा बजार घटनुको कारण विश्लेषण गर्दा विमा र लघुविक्त क्षेत्रमा पुजि बृद्धीमा अन्यौल देखियो, प्राविधिक विश्लेषकहरुले गरेको अनुमानले बजारको मनोविज्ञानलाई लाई असर गर्यो , म्युचुअल फण्ड तथा सस्थागत लगानीकर्ताको निस्कृयता रह्यो,कालोधन छानविनकोले बजारमा त्रास सृजना गरायो, त्यसैगरी बजारमा भ्रम बढेर गयो भने लगानीकर्ताको कमजोर आत्मविश्वास कमजोर भयो भने भारु प्रतिबन्धको अप्रत्यक्ष असर देखियो ।
त्यसैगरी पछिल्लो समय बजारमा तरलता अभाव भएपछि सेयर कर्जा र ओभर ड्राफ्ट कर्जामा कडाई भयो । निक्षेपमा ब्याजदर बढाईयो भने बैक तथा वित्तिय संस्थाहरुले मार्जिन कल गर्न थाले । यो पछिल्लो समय बजार घट्नुको मुख्य कारण रह्यो । त्यसैगरी हकप्रद एफपिओ लगायतका सार्बजनिक निस्काशनले पनि दोस्रो बजारमा असर पुर्यायो । त्यसकारण पनि बजारले अपेक्षित गति लिन सकिरहेको छैन । यसको मतलव बजारमा अहीले स्वभाविक असर देखिरहेको छ ।
निश्चित समयपछि बजार फर्कनेनै छ । बजारमा अहीले लगानीको ठुलो अवसर देखिएको छ । थुप्रै राम्रा कमपनीहरुको सेयर मुल्य डोमिनेटेड अवस्थामा छ। सेयर बजारमा लगानी गरेर आकर्षक मुनाफा कमाउने योभन्दा ठुलो अबसर अब सायदै नआउला । किनकि बजार तत्कालै ठुलो अन्तरमा नबढेपनि धेरैपनि घट्ने अबस्था देखिदैन । हुन सक्छ बजार अझै केही समय स्थीर रहला । बजारमा कम्पनीको राम्रो विश्लेषण गरेर उत्कृष्ट कम्पनी छानेर दिर्घकालीन रणनिति अनुसार लगानी गर्नका लागि यो ‘गोल्डेन टाईम’ हो । हामी बजार बढ्न थालेपछि हानथाप गरेर किन्नु भन्दा अहीले बजार घटेको अबस्थाको राम्रो सदुपयोग गरौ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: