काठमाडौं – एनसीसी बैंकको खुद नाफामा उल्लेख्य कमी आएको छ । बैंकको दास्रो त्रैमासको रिपोर्टले जम्मा ७ करोड ७६ लाख १९ हजार रुपैयाँमात्र खुद नाफा कमाएको देखाएको छ । चालु आर्थिक वर्षको दोस्रो त्रैमासमा खुद नाफा गत वर्ष भन्दा ६८.५६५ ले घटेको हो ।

 एनसीसीले गत वर्ष यही त्रैमासमा २४ करोड ६८ लाख ८१ हजार रुपैयाँ खुद नाफा कमाएको थियो । बैंकको खुद ब्याज आम्दानी भने गत वर्ष भन्दा १०४.०६५ ले वृद्धि भएको छ ।

यो त्रैमासमा बैंकले खुद ब्याज आम्दानी एक अर्ब तीन करोड ११ लाख ८४ हजार रुपैयाँ पुर्याएको छ ।  एनसीसीको खुद ब्याज आम्दानी गत वर्ष ५० करोड ५३ लाख ३६ हजार रुपैयाँमात्र थियो । बैंकको गत वर्ष १।३०५ रहेको खराब कर्जा पनि ४.८४५ पुगेको छ ।

 यो त्रैमासमा बैंकले चार करोड १७ लाख ५२ हजार रुपैयाँ राइट ब्याक गरेको छ भने सम्भावित जोखिमका लागि ६५ करोड ३७ लाख ५६ हजार रुपैयाँ छुट्याएको छ । एनसीसीको यो त्रैमाससम्म आइपुग्दा निक्षेप संकलन ५५ अर्ब ४६ करोड ८० लाख २५ हजार रुपैयाँ पुगेको छ ।

बैंक ४८ अर्ब ४२ करोड २६ लाख ६९ हजार रुपैयाँ  कर्जा प्रवाह गर्न पनि सफल भएको छ । कर्जा प्रवाह गत वर्ष भन्दा १२२.८७५ ले बढेको हो । बैंकको कर्जा निक्षेप अनुपात ७८.६८५ रहेको छ भने कस्ट अफ फन्ड ५.२८५ छ । कस्ट अफ फन्ड गत वर्ष ४.५४५ थियो ।  एनसीसीको चुक्ता पुँजी चार अर्ब ६७ करोड ९० लाख ५८ हजार रुपैयाँ छ । बैंकको रिजर्भ कोषमा दुई अर्ब ३० करोड ३९ लाख ३८ हजार रुपैयाँ जम्मा भएको छ ।

एनसीसीले इन्फ्रास्ट्रक्चर डेभलपमेन्ट बैंक, एपेक्स डेभलपमेन्ट बैंक, सुप्रिम डेभलपमेन्ट बैंक र इन्टरनेसनल डेभलपमेन्ट बैंकलाई गाभेर पुस १७ देखि एकीकृत कारोबार थालेको छ । 

एनसीसी बैंकले प्रतिसेयर आम्दानी १६ रुपैयाँ १४ पैसा र प्रतिसेयर नेटवर्थ १४९ रुपैयाँ २४ पैसा देखाएको छ । तर बैंकको खुद नाफा हिसाब गर्दा प्रतिसेयर आम्दानी तीन रूपैयाँ ३१ पैसा हाराहारीमा मात्र आउँछ । कसरी बैंकले प्रतिसेयर आम्दानी १६ रूपैयाँ १४ पैसा देखायो भन्ने अन्योल उत्पन्न भएको छ ।