• अर्थ सरोकार सम्बाददाता 

काठमाडौं – यस साता नेप्से परिसुचक पहिलो दिनको तुलनामा ७२ दशमलव ७५ अंकले बढेर अन्तिम दिन १ हजार ३ सय ८२ दशमलव ४५ अंकमा पुगेर कारोबार बन्द भएको थियो । ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पहिलो दिनको तुलनामा १६ दशमलव २८ अंकले बढेर ३ सय दशमलव ३५ अंकको बिन्दुमा कारोबार बन्द भएको छ ।

साताभरमा नेप्सेमा १ सय ५६ कम्पनीहरुको शेयर कारोबार भएको छ, जस अनुसार २० हजार ६ सय ६० कारोबारबाट २ अर्ब २१ करोड ५३ लाख ७० हजार रुपैंयाँ बराबरको ५९ लाख ५ हजार ५ सय ८० कित्ता शेयरहरु किनबेच भएको छन् ।

कारोबार रकम गत साताको भन्दा शुन्य दशमलव ६४ प्रतिशतले कमी हो । गत साता १५५ कम्पनीहरुको कारोबार भएको थियो । जस अनुसार १९ हजार ३ सय ६० कारोबारबाट २ अर्ब २२ करोड ९७ लाख ५ हजार रुपैयाँ बराबरका ६६ लाख ६७ हजार १ सय ३० कित्ता शेयरहरु खरिद बिक्री भएको थिए ।

त्यसैगरी कारोबार रकमको आधारमा यो साता सिद्धार्थ बैंक अग्रस्थानमा रह्यो, जसको १४ करोड ५५ लाख ९० हजार रुपैयाँ बराबरको शेयर कारोबार भएको छ । त्यसैगरी नेपाल दुरसञ्चार कम्पनीको १० करोड ३० लाख २० हजार रुपैंयाँ, नेपाल लाइफ इन्स्योरेन्स कम्पनीको १० करोड २३ लाख रुपैयाँ, प्रभु बैंकको ९ करोड ९४ लाख ९० हजार रुपैयाँ र सानिमा बैंकको ८ करोड ३४ लाख रुपैयाँ बराबरको शेयर कारोबार भएका छन् ।

त्यसैगरी साताभर ५ दिनको कारोबार भएको शेयर संख्याको आधारमा एनएमबी सुलभ इन्भेष्टमेन्ट फण्ड १ अग्रस्थानमा रहेको छ, जसको ८ लाख ३१ हजार कित्ता शेयर खरिदबिक्री भएको छ । त्यसैगरी कारोबार संख्याको आधारमा प्रभु बैंक अग्रस्थानमा रहेको छ, जसको १ हजार ३ सय १४ वटा रहेको छ ।

यो साता नेप्सेमा लक्ष्मी लघुवित्त बित्तीय संस्थाको हकप्रद शेयर ११ लाख कित्ता, सुर्य लाइफ इन्स्योरेन्स कम्पनीको हकप्रद शेयर १२ लाख ५० हजार कित्ता, तिनाउ विकास बैंकको बोनस ६ लाख ८२ हजार ७ सय ४० सय कित्ता, सिन्धु विकास बैंकको बोनस शेयर २ लाख ३ हजार १ सय ७५ कित्ता र प्राइम कमर्सियल बैंकको १ करोड २३ लाख ५० हजार ८ सय ७४ कित्ता शेयर सुचीकृत भएको छ ।

नेपाल स्टक एक्सचेन्ज लिमिटेडले दोस्रो बजार कारोबार थप सहज बनाउन नियमित कारोबार समयमा नै १० कित्ता भन्दा कमको धितोपत्र किनबेच हुन सक्ने व्यवस्था गरेको छ । नियमित समयमा हुने कारोबारले बजारको मूल्य सीमा तथा परिसूचकमा असर नगर्ने व्यवस्था समेत मिलाइएको छ ।

 यो व्यवस्था मिति २०७३र१०र२३ देखि लागु हुनेछ । यस अघि नियमित कारोबार समय ९आइतबारदेखि बिहीबारसम्म बिहान ११ देखि अपरान्ह ३ बजेसम्म० बाहेकका अन्य अर्डरमा १० र १० ले गुणा जाने संख्याका धितोपत्र कारोबार हुँदै आएको थियो । यसरी अन्य किसिमका अर्डरमा १० ले गुणा जाने कित्ता नभएको अवस्थामा हुने समस्या थियो । नेप्सेले गरेको नयाँ व्यवस्थापछि उक्त समस्याको निराकरण भई लगानीकर्ता थप लाभान्वित हुने विश्वास गरिएको छ ।