- अर्थ सरोकार संम्वाददाता
काठमाडौं – सेयर बजार लगातार चौथो दिन पनि झरेको छ। बजारमा २१.६२ अंकको गिरावटसँगै सुचक १३२२. अंकमा आएको छ। दिनभरीमा १३७ कम्पनीको ३४ करोड ५७ लाख रुपैयाँको सेयर किनबेच भएको छ ।
सबै उपसुचकहरु रातो भएका छन् । बिमा १७९ अंकले झरेको छ भने वाणिज्य बैंक समूह साढे १८ अंक तल ओर्लिएको छ। होटल ४४.३९, विकास बैंक २०.६४, जलविद्युत २०.७२, फाइनान्स ७.७७ र अन्य ९.२६ अंकले झरेको छ ।
दिनभरीमा सबैभन्दा वढि कारोबार प्रभु बैकको दुई करोड ५० लाख रुपैयाँको भएको छ । यसपछि एभरेष्ट बैंकको दुई करोड रुपैयाँको भएको छ । बजार घट्दासमेत साढे पाँच प्रतिशतले महालक्ष्मी विकास बैकका लगानीकर्ताले सम्पति वढाएका छन् । कुल १३ कम्पनीको सेयर मूल्य उक्लिएको छ । वढि गुमाउनेमा सुर्या लाइफ, लक्ष्मी लघुवित्तलगायत छन् ।
