×

Live on

रेडियो अर्थ सरोकार

Listen to live radio.

चितवनमा नयाँ प्रजातिका चरा थपिँदै

GLOBAL IME BANK

चितवनमा नयाँ प्रजातिका चरा थपिँदै

२० माघ २०७३, बिहीबार

पढ्न लाग्ने समय: १ मिनेटभन्दा कम

  • प्रनिश थापा / अर्थ सरोकार डटकम 

काठमाण्डौ –  चितवनको सिमसार क्षेत्रमा चराको प्रजाति थपिँदै गएको छ । तीन वर्षको अन्तरालमा मात्रै यहाँ सात प्रजातिका चरा थपिएको हो ।चरा को बासस्थान राम्रो हुँदै गएकाले यसरी चराको प्रजाति बढ्दै गएको हो । तीन वर्षअघि ४७ प्रजातिका चरा फेला परेकामा हालै गरिएको अनुगमनमा ५४ प्रजातिका चरा भेटिएको बर्ड एजुकेसन सोसाइटी चितवनले जनाएको छ । 
यो वर्षमात्रै चितवनको सिमसार क्षेत्रमा चार प्रजाति को चरा थपिएको छ । अघिल्लो वर्षको अनुगमन मा चितवनको सिमसार क्षेत्रमा ५० प्रजातिका चरा पाइएको थियो । तीन वर्षअघि ४७ प्रजाति भेटिएको थियो । तर यो यसपटकको अनुगमनमा ५४ प्रजातिका चरा भेटिएको बर्ड एजुकेसन सोसाइटीका निवर्तमान अध्यक्ष वासु बिंडारीले जानकारी दिए । 
चराको सङ्ख्या भने घटेको छ । यो पटकको अनुगमनमा पाँच हजार ६५९ वटा पानीमा आश्रित चरा फेला परेको र सिमसार क्षेत्र भरि गरेर कुल १० हजार ३२ चरा गणना गरिएको सोसाइटीका अध्यक्ष टेकबहादुर गुरुङले जानकारी दिनुभयो । अघिल्लो वर्ष सिमसार क्षेत्रमा ११ हजार २६० वटा चरा भेटिएको थियो ।
कुल सङ्ख्या घटेको तर चराको प्रजाति भने वृद्धि भएको पाइएको बर्ड एजुकेसन सोसाइटीको भनाइ छ । गत वर्षको तुलनामा चखेवाको भने राम्रो वृद्धि भएको पाइएको सोसाइटीले सार्वजनिक गरेको तथ्याङ्कमा उल्लेख छ । जसअनुसार चखेवा गएको वर्षमा दुई हजार ४६८ वटा भेटिएकामा यसपटक दुई हजार ९०५ वटाको अभिलेखीकरण गरिएको छ । 
चराको अवस्था र बासस्थानको अवस्था पत्ता लगाउन चितवनमा हालै चरा गणना गरिएको थियो । जिल्लामा चराको सङ्ख्या ६३४ पुगेको छ । नेपालमा ८८७ प्रजातिका चरा छन् । नेपाल मा पाइने चरामध्ये अधिकांश चितवनमा देखिएका ले यहाँ चरा पर्यटन फस्टाउन सक्ने चराविज्ञ टीका गिरीले जानकारी दिए ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: