">
- अर्थ सरोकार सम्बाददाता
काठमाडौँ – सेयर लगानीकर्ता संघ नेपालले नेपाल राष्ट्र बैंकका गभर्नर चिरन्जीवी नेपालसँग भेट गरी नेपाली पूँजी बजारको वर्तमान अवस्था र त्यसमा नेपाल राष्ट्र बैंकको भूमिका विषयमा छलफल गरेको छ । अर्थ सरोकार डटकमलाई संघका सचिव हरिश दाहालले जानकारी दिए अनुसार गभर्नर चिरन्जीवी नेपालसँग मार्जिन ल्याण्डीङ बढाउने, तरलता अभावलाई समाधान गर्ने लगायतका विषयमा छलफल भएको थियो ।
उक्त भेटका क्रममा सेयर लगानीकर्ता संघका सचिव हरिश दाहालले संघका तर्फबाट, नेपाली पूँजीबजारको अहिलेको स्थितिलाई मध्यनजर गर्दै मार्जिन ल्याण्डीङ बढाउन गभर्नरसमक्ष माग गरेका थिए । जवाफमा गभर्नर नेपालले नेपाली पूँजी बजारको पछिल्लो अवस्था र बैंकहरुमा भएको तरलता अभावले आफुलाईपनि निकै चिन्तित बनाएको बताउँदै मार्जिन ल्याण्डीङको विषयमा आफु सकारात्मक भएको धारणा व्यक्त गरेका छन् । उनले ७० % सम्म मार्जिन ल्याण्डीङ बढाउन आफु सकारात्मक भएको र यो विषयलाई गम्भीर भएर सोचीरहेको बताएका छन् ।
गभर्नर नेपालले तरलता अभावलाई कम गर्न पनि आन्तरिक रुपमा नेपाल राष्ट्र बैंकले कामहरु गरिरहेको बताएका छन् । उनले यथासक्य चांडो तरलता अभावलाइ समाधान गरी अगाडी बढ्ने समेत बताएका छन् ।
