काठमाडौँ –  नेपाल पत्रकार महासंघको केन्द्रिय कार्यालयमा ताला लागेको छ । नेपाल पत्रकार महासंघले विधि, विधान र प्रक्रिया विपरित राजनीतिक भागबन्डाका आधारमा सदस्यता वितरण तत्काल रोक्न माग गर्दै दुईजना पत्रकारले महासंघको केन्द्रीय कार्यालयमा दुइ पत्रकारले आमरण अनशन समेत सुरु गरेका छन् । महासंघका पाँचथर सभापति लवदेब ढुंगाना र इलामका सदस्य प्रेम अधिकारीले  बुधबार विहानदेखि केन्द्रीय कार्यालयमा तालाबन्दी गरी आमरण अनशन सुरु गरेका हुन् ।

उनीहरुले ४ बुंदे माग प्रस्तुत गर्दै अनशन सुरु गरेका हुन् । विधानविपरित र धाँधलीपूर्ण तरिकाले एकलौटी संचालन गरिएका इलाम र ताप्लेजुङका जिल्ला अधिवेशन खारेजी गरी प्रतिनिधिहरुलाई समेत कारबाहीको माग लगायतका मागसमेत उक्त ४ बुंदामा प्रस्तुत भएको छ ।

इलाममा चौतारी र प्रेस सेन्टर एकातर्फ र प्रेस युनियन रे संघीय प्रेस फोरम एकातर्फ गर्दै छुट्टा छुट्टै अधिवेसन सम्पन्न भएको थियो । जसमा युनियन तर्फको अधिवेसनबाट पत्रकार थर्काएर विवादमा आएका चियावारी एफएमका कर्मचारीसमेत सदस्य छन् ।  

उनीहरुले राजनैतिक भागबन्डाका आधारमा सदस्यता वितरण रोक्न, जिल्ला शाखा र प्रतिष्ठान शाखाको अधिवेशन तत्काल रोक्न, विधानविपरित बाहिरबाट ल्याइएका नयाँ सदस्यता र नविकरण कार्य फिर्ता गरी विधान बमोजिम नयाँ सदस्यता, नविकरण र स्थानान्तरणको अन्तिम टुङ्गो लगाएपछि मात्र अधिवेशन ६ महिना अघि तोक्न माग गरेका छन् ।