×

Live on

रेडियो अर्थ सरोकार

Listen to live radio.

एमालेसँग देउवा नजिक हुँदा प्रचण्ड सशंकित

GLOBAL IME BANK

एमालेसँग देउवा नजिक हुँदा प्रचण्ड सशंकित

१९ माघ २०७३, बुधबार

पढ्न लाग्ने समय: १ मिनेटभन्दा कम

  • अर्थ सरोकार संम्वाददाता 

काठमाडौं – प्रधानमन्त्री पुष्पकमल दाहाल प्रचण्ड आफ्नै सत्ता साझेदार दलका नेताहरुबाट पीडित बन्न थालेका छन् । संविधान संशोधन नगरी निर्वाचनको मिति तोके आन्दोलनमा जाने सरकारलाई समर्थन दिएका मधेसी मोर्चाको चेतावनी र तत्काल निर्वाचन नगरे राजीनामा दिन नेपाली कांग्रेसका सभापति शेरबहादुर देउवाको धम्किपछि प्रधानमन्त्री समस्यामा परेका छन् ।
प्रधानमन्त्री दाहालले मधेसी मोर्चाका नेताहरुलाई बारम्वार बालुवाटार बोलाएर सम्झाउने प्रयास गरेका छन् । तर मधेसी मोर्चाका नेताहरुले पहिले संविधान संशोधन गरेर मात्र निर्वाचनको मिति तोक्न आग्रह गरेपछि प्रधानमन्त्री अप्ठेरोमा परेका हुन् । संविधान संशोधन भन्दा पहिले निर्वाचनको मिति तोके हामी निर्वाचन हुन दिँदैनौ, सद्भावना पार्टीका महासचिव मनिष सुमनले भने ।
जति फकाएपनि मधेसी मोर्चा सहमतिमा नआएपछि प्रधानमन्त्री दाहालले सत्ता साझेदार दल नेपाली कांग्रेसका सभापति शेरबहादुर देउवालाई सम्झाउने प्रयास गरेका थिए । तर देउवाले उनको प्रस्तावलाई अस्वीकार गरे । सोमबार नेपाली कांग्रेसका सभापति देउवा र दाहालबीच २ घण्टा बालुवाटारमा सम्वाद भएको थियो, तरपनि निकास निस्किएन ।
प्रधानमन्त्री दाहाल नहुँने निर्वाचनको मिति नतोक्ने पक्षमा छन् । तर कांग्रेस सभापति देउवा भने तत्काल निर्वाचनको मिति तोक्नु पर्ने पक्षमा उभिएका छन् । देउवाको दवावपछि प्रधानमन्त्री दाहाल अप्ठेरोमा परेका छन् ।
पछिल्लो समय नेपाली कांग्रेसका सभापति देउवा एमालेसँग नजिक हुँदै गएका छन् । निर्वाचनको मिति तोक्ने बिषयमा एमालेका नेताहरुसँग छलफल गरिरहेका छन् । एमालेपनि तत्काल निर्वाचन घोषणाको पक्षमा रहेको छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: