×

Live on

रेडियो अर्थ सरोकार

Listen to live radio.

गेम प्लान ए…!

GLOBAL IME BANK

गेम प्लान ए…!

१० फाल्गुन २०७३, मंगलवार

पढ्न लाग्ने समय: २ मिनेटभन्दा कम

  • रामु खनाल, शेयरबजार विश्लेषक

इतिहास जित्नेहरुको लागि  हो । शेयर बजार कमाउनेहरुको लागि हो । जसले जित्न सक्दैन उसको लागि इतिहास अभिसाप  हो । जसले कमाउन सक्दैन उसको लागि शेयर बजार अभिसाप हो । अत: जुनसुकै क्षेत्रमापनि सफलता प्राप्त गर्नको रणनीतिक योजना बनाउनु आबश्यक हुन्छ । गेम प्लान बनाउनुपर्छ । शेयर बजार त झन यस्तो संबेदनशील क्षेत्र हो जहाँ गेम प्लान बिना नाफा आर्जन गर्न मुश्किल छ । शेयर किन्नुमात्र ठुलो कुरा होइन, किनेको शेयरबाट नाफा आर्जन गर्नु ठुलो कुरा हो । 
आर्थिक , सामाजिक , राजनीतिक क्षेत्रमा हुने  परिबर्तनले शेयर बजारमा तुरुन्तै  प्रभाव पार्छ । खरिद बिक्रेताको मनोभावमा अध्ययन गरी सोहिमुताविक आफ्नो रणनीतिक चाल बनाउनुनै सेयर बजार गेम प्लान हो ।बजारको लयअनुसार हिड्न सक्ने प्लाननै सर्वोत्तम प्लान हो  । शेयर बजार बिबिध कारणले तलमाथि भैरहेको हुन्छ । यहि तलमाथि हुन सक्ने बिन्दुको आँकलन गर्न सक्ने र न्यून बिन्दुमा छिर्ने, अनि  उच्च बिन्दुमा निष्कन सक्ने लगानीकर्तानै शेयर बजारको खेलाडी हो । न्यून बिन्दुमा प्रवेश र उच्च बिन्दुमा बाहिर जाने चलाखीपूर्ण रणनीति नै शेयर बजारको सफलताको मूल मन्त्र हो ।
आज बजारमा केहि करेक्सन देखिएको छ । यो स्वाभाविकपनि हो । किनकि १२१८ न्यून बिन्दुको हाराहारीमा पस्ने साहसिक मुटुहरुले आज जिते । किनकी आज उनीहरुले प्रोफिट बुक गरे । त्यसैले त शेयर बजार भनेको साहासिक मुटुहरुको लागि हो । बजारमा सकारात्मक कुराहरु आउदैछन् । बजारले आफ्नो गति समाउदै छ ।बजार भनेको लिफ्ट चढे जस्तो एकै पटक माथि जानेपनि होइन । विस्तारै बिस्तारै चड्ने त हो नि । तल माथि हुदै । 
बजार कतिसम्म ‘बुम’मा जान्छ भन्न सकिदैन । तर अहिलेको अबस्था हेर्दा बजार छिट्टै नै १५०० माथि पुग्न सक्ने सहज अनुमान गर्न सकिन्छ । यहि अहिलेको अबस्था बाट प्रबेश गरि १५०० माथिको कुनै उपयुक्त बिन्दु बाट बाहिर  निष्कने रणनीतिक प्लाननै गेम प्लान  ए हो ।
अहिलेको अबस्था हेर्दा बजार न्यून बिन्दु बाट फर्केको छ ।फाल्गुण चैत्र भनेको नै शेयर लगानीको महिना पनि हो । अहिलेको लगानीको परिपक्क आम्दानी लिने समय भनेको श्रावण भाद्र हो । देशमा चुनाबि माहोल बन्दै छ, सबैकुरा सकारात्क हुदैछन् । अत: यो समय भनेको लगानी गर्ने समय हो । अहिलेको लगानी  १५०० माथि बेच्ने समय  हो । 
‘प्लान ए’को लागि पहिला उच्च बिन्दुमा रहेका तर अहिले न्यून बिन्दुमा झरेका कम्पनीहरुको छनौट पहिलो प्राथमिकतामा पार्नु पर्छ ।१५०० माथिको लागि यो  प्लान ए ले काम गर्दैन । गेम प्लान बि को लागि अर्को रणनीति बनाउनु पर्छ ।सबै अबस्थामा उहि रणनीतिले काम गर्दैन । अवस्था हेरेर व्यवस्था गर्नु पर्छ । शेयर बजारमा  आउनु भनेको  शेयर बजार बाट शेयर जम्मा गर्न होइन । शेयर बजारबाट पैसा जम्मा गर्न हो ।
धेरै लगानीकर्ताहरुको गुनासो के हुने गर्छ भने शेयर बजार बढ्यो तर मेरो शेयर बढ्दै बढेन ।यसो हुनु भनेको लगानीकर्ताको शेयर छनौटमा गल्ति हुनु हो । शेयर बजारको कुन चक्रमा कुन शेयर बढ्छ र कुन चक्रमा कुन रणनीति बनाउने हो सो कुराको आकलन गर्न नसक्नु हो । त्यति बेलाको अबस्था हेरी व्यवस्था गर्न सक्नु पर्छ  ।शेयर बजार भनेको नै साहसी मुटु हुनेहरुको लागि हो । बजार रातो भयो कि भाग्ने हरियो भए कि पस्ने अलि डराउने स्वभाव भएकाहरुको लागि होइन । बजार घट्दा दह्रो मुटु बनाइ शेयर किन्ने हरियो हुदा धेरै लोभ नगरी  शेयर बिक्रि गरि रकम जम्मा गर्ने हरुको लागि हो । बजार कता जादै छ सो को अनुमान गरि बजारमा पस्ने , बजारमा बस्ने , बजार बाट भाग्ने गेम प्लान नै  हो प्लान  ए , प्लान बि , प्लान सि !
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: