• अर्थ सरोकार सम्बाददाता 

काठमाडौँ – सामाजिक संजालमा बजार घट्छ भनेर चर्चामा आएका दुर्गा काफ्ले र बजार बढ्छ, निराश नहुनु भन्ने खालका स्ट्याटस हाल्ने रोहन शर्माको फेसबुकमै जुहारी चल्न थालेको छ । दुर्गा काफ्लेले ‘आजकल रोहन शर्मा कहाँ गए ? के गर्दैछन् ? कि सेयरको लाइनमा छन् ?’ भन्दै स्ट्याटस राखेपछि रोहन शर्माले पनि त्यसको उत्तर फेसबुकमै दिएका छन् ।

‘करिव ४ महिना अघीको कुरा हो, फेसबुकमा आवद्द मसिनो गाँठीको एउटा भाईले बिहानको ४ बजे म्यासेज पठायो, आफु पनि त्यहीबेला अनलाईन भएको हुँदा तत्काल कुराकानी भयो। करीव आधा घण्टा भएको त्यो च्याटमा थाहा भयो कि उनि बजारबाट साह्रै पिडित भएका रहेछन्, बैदेशिक रोजगारबाट लामो समय लगाएर कमाएको करिव ३० लाख रुपयाँले प्रती कित्ता २५०० भन्दा माथी हालेर चिलिमेको सेयर खरिद गरेको कुरा उनले मसँग गरे ।

उनी दैनिक जसो उहि समयमा च्याटमा आउन थाले । कहिलेकाहिं उनको कुरा सुन्दा सही जस्तै लाग्दथ्यो । तर बिस्तारै उनको पोष्टहरु नियन्त्रण बाहिर जान थाल्यो । बजार को बारेमा सँधै नकारात्मक कुरा मात्र गर्न थाले । सामाजिक मर्यादा भुलेर सामाजिक सँजालको दुरुपायोग गर्न थाले। उनले प्रयोग गर्ने शब्दहरु अपाच्य लागेर मैले ब्लक गरिदिएँ। त्यस लगत्तै उनि मेरो खेदो खन्न थाले । मलाई यसमा कुनै गुनासो छैन। भलो पनि उनैको होस्, अनि जय पनि उनैको होस् ।

आकाशमा सुर्यलाई मडारिएको बादलले छेक्दा पानी पर्छ भनेर जो कोहिले अनुमान गर्न सक्छ । तर कालो बादल लाई चिरेर कुनै दिन सुर्यको प्रकाश बाहिर जान्छ भनेर सोच्नु भनेको आशा हो । आशानै सकारात्मक सोच हो । सकारात्मक सोचको परिणाम भनेको सफलता हो ।

गहिरो कुराको भारलाई तिम्रो दिमागले धान्न सक्दैन तैपनी भन्न मन लागेको केहि सामान्य कुरा

☆गालीनै गर्ने हो भने मैले पनि जानेको छुँ । त्यो पनि ६ भन्दा बढी भाषाहरुमा!