×

Live on

रेडियो अर्थ सरोकार

Listen to live radio.

निर्वाचन घोषणा मान्य हुँदैन : संघीय समाजवादी फोरम

GLOBAL IME BANK

निर्वाचन घोषणा मान्य हुँदैन : संघीय समाजवादी फोरम

१० फाल्गुन २०७३, मंगलवार

पढ्न लाग्ने समय: १ मिनेटभन्दा कम

  • अर्थ सरोकार संम्वाददाता 

काठमाडौं –   संघीय समाजवादी फोरमले अहिलेको स्थानीय तहको संरचनामा गर्न लागिएको निर्वाचन आफूहरुलाई मान्य नहुने बताएको छ । स्थानीय तह पुनर्संरचना आयोगले विभाजन गरेको स्थानीय तहको संख्या अपुरो, अवैज्ञानिक र विभेदकारी रहेको भन्दै त्यसैको आधारमा गरिने निर्वाचन मान्य नहुने बताएको हो । 

संविधानको धारा ५६ को उपधारा ५ मा व्यवस्था भएको स्वायत्त क्षेत्र संरक्षित क्षेत्र र विशेष क्षेत्रको संख्या र सीमाना निर्धारण नै भएको छैन । स्वयं बालानन्द आयोगले पनि आफूलाई दिएको जिम्मेवारीमध्ये ती विशेष संरचनाको प्रतिवेदन बुझाएको छैनु फोरमका कार्यबाहक अध्यक्ष राजेन्द्र श्रेष्ठद्वारा मंगलबार जारी विज्ञप्तिमा भनिएको छ । त्यसैले अधुरो, अपुरो र अवैज्ञानिक विभेदकारी तथा गलत मापदण्डका आधारमा बुझाएको प्रतिवेदनको आधारमा घोषणा गरिएको स्थानीय निर्वाचन हामीलाई मान्य हुन सक्दैन ।
 संघीयता कार्यान्वयन गर्न संघ र प्रदेशको मान्यता पहिला हुनुपर्ने भन्दै फोरमले स्थानीय तहलाई प्रदेश मातहतमा राख्नुपर्ने माग गरेको छ । संघीय व्यवस्थामा संघीयकरण पनि संघ र प्रदेशकै बीचमा हुने गर्दछ र यस्तो व्यवस्थामा स्थानीय तह प्रदेश मातहतमा रहने संसारभरिकै प्रचलन हो श्रेष्ठद्वारा जारी विज्ञप्तिमा भनिएको छ । 
संघीय समाजवादी फोरमले आफूहरु निर्वाचन बिरोधी नभएको दावी गर्दै पहिले संसदमा दर्ता भएको संविधान संशोधन प्रस्ताव परिमार्जन सहित पारित गर्नुपर्ने माग गरेको छ । उसले निर्वाचन घोषणाको विरोधमा आन्दोलन गर्ने पनि उल्लेख गरेको छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: