काठमाडौँ – सेवा बिकास बैंकले प्रगती गरेको छ । बैंकको नाफा ८९.१८ प्रतिशतले बढेको छ । बैंकको अघिल्लो वर्ष दोश्रोको त्रैमासमा ४ करोड ८ लाखमा सीमित खूद नाफा बढेर ७ करोड ७२ लाख पुुगेको छ भने ८ करोड ९६ लाखबाट वृद्धि भई खूद ब्याज आम्दानी १५ करोड ५७ लाख रुपैयाँको पुुगेको छ । यो अवधिमा बैंकले ५ अर्ब ४१ करोड निक्षेप संकलन गरी ४ अर्ब ६५ करोड कर्जा परिचालन गरेको समेत बताइएको छ । 

यता बैंकको निस्क्रिय कर्जा अनुपात पनि बढेको छ । अघिल्लो वर्षको दोश्रो त्रैमाससम्म ०.१४ प्रतिशत रहेको निस्क्रिय कर्जा बढेर ०.९६ प्रतिशत पुुगेको हो । बैंकको बार्षिकीकृत प्रति सेयर आम्दानी ३०.५२ रुपैयाँ, प्रति सेयर नेटवर्थ १३६.६१ रुपैयाँ र मूल्य आम्दानी अनुपात १२.४२ गुणा कायम भएको छ । 

अघिल्लो वर्ष ४ अर्ब ३६ करोड निक्षेप संकलन गरी ३ अर्ब ६२ करोड कर्जा परिचालन गरेको थियो ।  सेवा विकास बैंकको चुक्तापूँजी ५० करोड ६४ लाख र जगेडा कोषमा १८ करोड ५४ लाख रुपैयाँ रहेको छ ।