×

Live on

रेडियो अर्थ सरोकार

Listen to live radio.

चितवनमा पहिलोपटक बोटल वाटर उत्पादन स्वचालित मेसिन भित्र्यो

GLOBAL IME BANK

चितवनमा पहिलोपटक बोटल वाटर उत्पादन स्वचालित मेसिन भित्र्यो

२१ माघ २०७३, शुक्रबार

पढ्न लाग्ने समय: १ मिनेटभन्दा कम

  • प्रनिश थापा /अर्थ सरोकार डटकम

काठमाण्डौ – जीवनज्योती मिनरल वाटर एण्ड वेभरेज प्रा।ली।ले चितवनमा नै पहिलो पटक बोटल वाटर उत्पादनका लागि स्वचालित मेसिन भित्राए को छ । हाइल्याण्ड ड्रप मिनरल वाटर उत्पादन गर्दै आएको उद्योगले उपभोक्ताको हितको ख्याल गर्दै पानीको शुद्धता र गुणस्तरीयता कायम राख्न मेसीन भित्राएको उद्योगका प्रबन्ध निर्देशक नवराज खनियाँले बताए ।
 अत्याधुनिक अटोमेटिक बोटल वासिङ, फिलिङ एण्ड क्यापिङ मेसिनले प्रसोधित पानीको गुणस्तरीयतालाई थप विश्वसनिय बनाउने उनले दावी गरे । स्वचालित मेसीनले तिन चरणमा काम गर्दछ । मेसिनले सुरु मा वोटल सफल गर्दछ त्यसपछि निश्चित परिमाण मा पानी भरेपछि क्याप लगाएर बाहिर पठाउंने गर्दछ । 
यस प्रक्रियामा मेसिनले चार जना कामदारको काम सहज र सरल ढङगमा पुरा गर्ने प्रबन्ध निर्देशक खनियाँले बताए । २२ लाखको लगानीमा ल्याइएको मेसिन प्रति घण्टा दुइ हजार ४ सय लिटर पानी उत्पादन गर्ने क्षमताको भएको खनियाँले जानकारी दिए ।
दुषित पानी विभिन्न रोगको संक्रमणको जड भएकाले पानी उत्पादनमा विशेष ध्यान दिनुपर्ने उनको भनाई छ । जीवनमा अत्यावश्यक खाने पानी उत्पादन गर्ने उद्योगहरु यसतर्फ संवेदनशील हुन जरुरी रहेको बोटल वाटर उद्योग संघ चितवनका निर्देशक समेत रहेका खनियाँले बताए ।
 पानीको शुद्धता संगै प्राथमिकतामा राखेको जीवनज्योती मिनरल वाटर एण्ड वेभरेज प्रा।लीले यसअघि पनि सेमि अटोमेटिक मेसिनको प्रयोग गरी पानी उत्पादन गर्दै आएको म्यानेजर रोशन गुरुङले जानकारी दिए । चितवन, मकवानपुर, नवलपरासी, तनहुँ जिल्लामा खपत हुने गरेको बजार शाखाका मनोज केसीले बताए । २०६९ सालदेखि बोटल पानी उत्पादन गर्दै आएको उद्योग बोटल वाटर उद्योग संघ चितवनमा २० जना कामदार कार्यरत छन् ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: