काठमाण्डौ – पुर्वी चितवनको कंकाली सामुदायिक वनले वन संरक्षण गरेर १ करोड ७ लाख २९ हजार १सय ८३ रुपैया आम्दानी गर्न सफल भएको जनाएको छ । वन समुहका अध्यक्ष राममणि न्यौपानेले भने, नाङ्गो कंकाली डाडालाई संरक्षण गरी आयआर्जन र पर्यापर्यटनको विकास गरेर वनले १ करोड बढी आम्दानी गर्न सफल भएको हो । जसमा वन पैदावार बिक्रीबाट ५१ लाख ५६ हजार ६ सय ६९ रुपैया रहेको छ भने पर्यापर्यटन सेवा बाट १५ लाख ४२ हजार ७ सय ७८ रुपैया आम्दानी गर्न सफल भएको उनले बताए ।