×

Live on

रेडियो अर्थ सरोकार

Listen to live radio.

laxmi sunrise bank

सगरमाथा फाइनान्सलाई खरिद गर्दै सेञ्चुरी कमर्सियल बैंक

काठमाडौँ – सेञ्चुरी कमर्सियल बैंक लिमिटेडले सगरमाथा फाइनान्स लिमिटेडलाई खरिद गर्ने भएको छ । सगरमाथा लाई सेञ्चुरीले एक्वायर गर्ने सम्बन्धमा यी दुई संस्थाका अध्यक्षले विहीबार सम्झौतापत्रमा हस्ताक्षर गरेका हुन् । 
हाल यस बैंकको चुक्ता पुँजी तीन अर्ब ६८ करोड ९० लाख रुपैयाँ छ । यस बैंकले अरनिको डेभलपमेण्ट र इन्नोभेटिभ डेभलपमेण्ट बैंकलाई खरिद गर्दैछ । सेञ्चुरी, अरनिको तथा इन्नोभेटिभले गत आर्थिक वर्षमा गरेको मुनाफा वितरण गरेपछि अरनिको र इन्नोभेटिभलाई सेञ्चुरीले किन्नेछ । अरनिको डेभलपमेन्ट बैंकको चुक्ता पुँजी २९ करोड रुपैयाँ र इन्नोभेटिभ डेभलपमेण्टको २५ करोड ७८ लाख रुपैयाँ छ । यी दुवै विकास बैकलाई गाभेपछि सेञ्चुरी बैंकको चुक्तापुँजी पाँच अर्ब नाघ्नेछ । 
अबको चार महिनामा थप तीन अर्ब पुँजी आवश्यक रहेको बैंकले सगरमाथा फाइनान्ससँग एक्विजिसन सम्झौता गरेको हो । हकप्रद सेयर र गत आर्थिक वर्षको मुनाफाबाट बोनस सेयर गरेर सगरमाथा फाइनान्सले ७८ करोड रुपैयाँ चुक्तापुँजी पुर्याउँदैछ । त्यसपछि फाइनान्सलाई सेञ्चुरीले किन्नेछ । जसपश्चात् सेञ्चुरीको चुक्तापुँजी झन्डै छ अर्ब रुपैयाँ पुग्नेछ । बाँकी पुँजी हकप्रद सेयर तथा चालु आर्थिक वर्षको मुनाफाबाट बोनस वितरण गरेर पुर्याउने योजना बैंकको छ । 
Hamro Parto AD
TRITON COLLEGE

प्रतिक्रिया दिनुहोस्

सिफारिस: