काठमाडौं – नेकपा एमाले नेता लालबाबु पण्डितले  सोमबार ७ जनाको ज्यान जानेगरी सप्तरीमा भएको घटनाको दोषी माओवादी केन्द्र र कांगेस रहेको आरोप लगाएका छन् । एमाले नेता पण्डितले नेपाली कांग्रेस र माओवादी केन्द्रका केही नेताको निर्देशनमा मधेसी मोर्चाले सप्तरी घटना गराएको आरोप लगाएका छन् । सप्तरी घटना जानकारी दिन भन्दै नेकपा एमालेले काठमाडौंमा गरेको कार्यक्रममा पोलिट्ब्युरो सदस्य पण्डितले भने केही कांग्रेस र माओवादीका नेताको निर्देशनमा मोर्चाका कार्यकर्ताले एमाले सभामा आक्रमण गर्न लगाइयो ।

 जुन घटना घटाउन गृहमन्त्री जिम्मेवार छन् । पण्डितले गृहमन्त्री विमलेन्द्र निधिले पनि उक्त घटनामा साथ दिएको आरोप लगाए । सोमबार सप्तरीमा एमालेले सभा गरेको ठाउँमा मधेसी मोर्चाले अवरोध गर्न खोज्दा प्रहरीसँगको झडपमा चार जनाको मृत्यु भएको थियो । पण्डितले विदेशीको पैसा खाएर राष्ट्रियता कमजोर बनाउने काम भएको आरोप लगाए। उनले मधेसी मोर्चाको क्रियाकलाप राजनीतिक प्रकृतिको नभएको बताए । राजनीतिक बाटोमा विश्वास नगर्नेहरुले पेट्रोल बम, प्रेसर कुकर बम बोके। तिनीहरुलाई कारबाही गर्नुपर्छ  यी सबै काम आतंककारीले मात्र गर्छन्, मोर्चाको क्रियाकलाप आतंककारी जस्तो छ।