फोटो : फेसबुक

देशका जनता राती सुत्न सकेका सकेका छैनन् । सीमामा देश दुखेको छ । दिन दहाडै नेपाली मारिएका छन् । तर कुनै आम सभामा गोली चलाउने आदेश दिने सरकार सीमामा नेपाली मारिंदा गोली चलाउने आदेश दिन्दैना । भारतीय प्रहरीले नेपाली मारिरहँदा टुलुटुलु हेरिरहेको छ । देशका लागि लड्नेहरुका प्रति उसले केहि गर्न सकेको छैन । तर पनि सरकार सुतीरहेको छ । आखिर निदाएको सरकार कहिले उठ्छ ? 

कञ्चनपुरको आनन्दबजारमा नेपाली भूमिमै आएर नेपाली मारिएपछि घटनाले चर्को रुप लिएको छ । देशभर त्यसको विरोध भएको छ । तर नालायक सरकारले मुख खोलेको छैन । गोलीकाण्डलाई लिएर संसदमा प्रमुख राजनीतिक दलहरुले सरकारसँग जवाफ मागेका छन् । तर पनि सरकार बोलेको छैन । सरकार जागा छैन ।घटनाका सन्दर्भमा भारतीय दूतावासले अचम्मको विज्ञप्ति जारी गरेको छ । तर निरिह सरकार त्यसको विरोध गर्न पनि सकेको छैन ।

व्यवस्थापिका संसदको शुक्रवारको बैठकमा विशेष समय लिएर बोल्दै एमाले सांसद भीम रावलले यत्रो घटना हुँदा सरकारले सामान्य झारा टार्ने विज्ञप्ति जारी गरेर संसदलाई समेत उपेक्षा गरेको बताईरहेका थिए । उनले भारतीय पक्षबाट क्षतिपूर्ति दिलाउन सरकारले पहल नगरेको भन्दै आपत्ति जनाएका थिए । के अपिल गर्थ्यो र भारतकै भरमा टिकेको यो ‘जोइटिङग्रे’ सरकारले । एसएसबीबाट नेपालको भूमिमा पसेर देशभक्त नेपालीको हत्या हुँदा पनि पहल नगर्ने यस्तो सरकारको के काम भयो र ?