×

Live on

रेडियो अर्थ सरोकार

Listen to live radio.

सगरमाथा फाइनान्सको फागुन २६ देखि ८ लाख ८७ हजार कित्ता सेयर लिलामीमा

GLOBAL IME BANK

सगरमाथा फाइनान्सको फागुन २६ देखि ८ लाख ८७ हजार कित्ता सेयर लिलामीमा

२२ फाल्गुन २०७३, आईतवार

पढ्न लाग्ने समय: १ मिनेटभन्दा कम

  • अर्थ सरोकार  संम्वाददाता 

काठमाडौं – सगरमाथा फाइनान्सले फागुन २६ देखि ८ लाख ८७ हजार ४६३ कित्ता सेयर लिलामीमा बिक्री गर्ने भएको छ । फाइनान्सले संस्थापक समूहको ७ लाख २० हजार ३१८.८३ कित्ता सेयर र सर्वसाधारण समूहतर्फको एक लाख ६७ हजार १४४.१७ कित्ता सेयर लिलामीमा बिक्री गर्न लागेको हो । 
लगानीकर्ताले न्यूनतम एक सय रुपैयाँलाई आधार मानेर त्यसभन्दा बढी मूल्य तोकी निवेदन दिनुपर्नेछ । यो लिलामी सेयरमा आवेदन दिने अन्तिम म्याद भने चैत २ गतेसम्म तोकिएको छ ।
 फाइनान्सले हकप्रद निष्कासन गर्दा बिक्री नभएको सेयर यतिबेला लिलामीमा बेच्न लागेको हो । यसअधि सगरमाथाले पुस ११ देखि माघ १७ गतेसम्म २९ लाख ५४ हजार तीन सय ८९ कित्ता हकप्रद सेयर बिक्री खुला गरेको थियो । 
आवेदकले एनआइबीएल क्यापिटल मार्केट लिमिटेड लाजिम्पाट काठमाडौं तथा सगरमाथा फाइनान्स लिमिटेडको केन्द्रीय कार्यालय मानभवन ललितपुरबाट आवेदन फारम लिन र बुझाउन सक्नेछन् । 
सगरमाथाको यस लिलामीमा बिक्री प्रबन्धक एनआइबीएल क्यापिटल मार्केट लिमिटेड रहेको छ । दुवै समूहको बोलपत्र चैत ४ गते दिउँसो १ बजे कम्पनीको केन्द्रीय कार्यालय मानभवन ललितपुरमा खोलिनेछ । हाल सगरमाथाको चुक्ता पुँजी ३६ करोड ९२ लाख ९८ हजार रुपैयाँ छ ।
 चालु आर्थिक वर्षको दोस्रो त्रैमासमा सगरमाथाले पाँच करोड ६१ लाख ८३ हजार रुपैयाँ खुद नाफा कमाएको छ । प्रतिसेयर आम्दानी ३० रुपैयाँ ४३ पैसा बार्षिकीकरण रहेको फाइनान्सको प्रतिसेयर नेटवर्थ भने १७२ रुपैयाँ ८३ पैसा छ । 
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: