×

Live on

रेडियो अर्थ सरोकार

Listen to live radio.

काठमाडौंमा ९औ बार्षिक ग्लोबल जिएबिभि सम्मेलनको उद्घाटन

GLOBAL IME BANK

काठमाडौंमा ९औ बार्षिक ग्लोबल जिएबिभि सम्मेलनको उद्घाटन

२६ फाल्गुन २०७३, बिहीबार

पढ्न लाग्ने समय: १ मिनेटभन्दा कम

  • अर्थ सरोकार सम्बाददाता 
काठमाडौँ – प्रधानमन्त्री पुष्पकमल दाहालको प्रमुख आतिथ्यतामा २०७३ फागुन २४ गते हायात होटल, काठमाडौंमा नवौं बार्षिक ग्लोबल एलायन्स फर बैकिंङ्ग अन् भ्यालुज (जिएबिभि) सम्मेलनको उद्घाटन कार्य सुसम्पन्न गरिएको छ । एफएमओसँग सहकार्य गर्दै आएको एनएमबि बैंक जिएबिभि सम्मेलनको आयोजक सदस्य हो । एशिया, अफ्रिका, अष्ट्रेलिया, ल्याटिन अमेरिका, उत्तर अमेरिका र युरोपका २८ राष्ट्रहरुमा दिगो वित्तिय संस्थाहरु संचालन गरिरहेका ४३ वटा संस्थाका प्रमुख कार्यकारी अधिकृत तथा बरिष्ठ अधिकारीहरु लगायत १२० जना सहभागीहरुले सम्मेलनमा सहभागीता जनाएका छन् । 
काठमाडौंमा फागुन २४ गतेदेखि ३ दिनसम्म चल्ने उक्त सम्मेलनमा सहभागीहरुले दक्षिण पूर्वी एशियामा मूल्य मान्यतामा आधारित बैकिंङ्गको उपलब्धि र चुनौतीहरुका बारेमा एनएमबि बैंकद्वारा जानकारी लिनेछन् । नेपाल सम्मेलनमा देशका उच्च ओहदाका महत्वपूर्ण व्यक्तित्वहरु, माननीय मन्त्रीज्यूहरु, राष्ट्र बैंकका गभर्नर, नायब गभर्नरहरु, वित्तिय संस्थाका अध्यक्षहरु, उच्च प्रशासकहरु र अन्य सरोकारवालाहरुको पनि उपस्थिति रहेको थियो ।
सम्मेलनले स्थानीय समुदायहरुको आत्मनिर्भरतालाई पनि लक्षित गर्नेछ । जिएबिभिका सम्पूर्ण सदस्यहरुले आफ्नो कार्यक्रम स्थानीय समुदायहरुलाई उकास्न तथा वातावरणीय संरक्षण गर्दै स्थानीय उद्यमीहरुलाई सहयोग गर्नमा नै केन्द्रित गर्दै आइरहेका छन् । 
बितेको दुई दशकदेखि एनएमबि बैंकले आत्मनिर्भर नेपाल भन्ने आफ्नो प्रतिबद्धता अनुरुप आफ्ना कार्यक्रमहरुलाई आत्मनिर्भरताको क्षेत्रमा केन्द्रित गर्दै आएको छ भने स्थानीय समुदायहरुलाई सहयोग पुग्ने खालका विभिन्न योजनाहरुमा लगानी गर्दै आएको पनि छ । यस सम्मेलनबाट जिएबिभिका सदस्य बैंकहरुले बैंकहरु नाफा आर्जनको लागि मात्र चलेका नभई मुल्य मान्यतामा आधारित बैकिंङ्ग कारोबार पनि गर्दछन् र स्थानीय समुदायहरुका लागि काम गर्ने बैंकहरु पनि छन् भनेर उदाहरण प्रस्तुत गर्न सकिने विश्वास लिएका छन् ।
३ दिनसम्म चल्ने यस सम्मेलनले सहभागीहरुका लागि स्थानीय समुदायमा मुल्य मान्यतामा आधारित बैकिंङ्गको सफलताको बारेमा जानकारी प्रदान गर्न प्रमुख कार्यकारी अधिकृतहरु बीचको छलफल, नियमनकारी संस्था, मानव संशोधन विकास समुह, सल्लाहकार समितिको र लिडरशिप एकेडेमीका युवा बैंकरहरुको समुह सम्बन्धमा समानान्तर गोष्ठी, प्रेरणादायी सिकाई यात्राहरु र कार्य सम्पादन प्रयोगशालाको सहजीकरण गर्नेछ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: