काठमाडौँ  – मधेसी मोर्चासँग भएको सहमति अनुसार संविधान संशोधन प्रस्ताव परिमार्जनबारे निर्णय गर्न मन्त्रिपरिषद् बैठक बस्ने भएको छ । बैठक आइतबार बिहान ११ बजे बोलाइएको प्रधानमन्त्रीको सचिवालयले जनाएको छ ।

शनिबार सत्तापक्ष र मधेसी मोर्चाबीच भएको छलफलले संविधान संशोधन प्रस्ताव परिमार्जन गर्ने र स्थानीय तहको निर्वाचन दुई चरणमा गर्ने सहमति गरेको थियो ।

सरकराले तीनवटा प्रदेशको निर्वाचन बैशाख ३१ गते गर्ने र बाँकी चार प्रदेशको जेठ ३१ गते गर्ने मधेसी मोर्चासँग सहमति भएको छ । मधेसी मोर्चाले भने संविधान संशोधन प्रस्ताव परिमार्जन गरिए त्यसलाई मान्ने र निर्वाचनमा सहभागि हुने जनाएको छ । – काठमाडौँ टुडे