कामाडौं – महुली सामुदायिक लघुवित्त वित्तीय संस्थाको आइपीओ बिक्री खुला भएको छ । महुलीले बैशाख ७ गतेदेखि १०० रुपैयाँ अंकित दरको एक लाख २० हजार कित्ता सेयर बिक्री खुला गरेको हो । यसमध्ये ४ हजार ८०० कित्ता कर्मचारीलाई र ६ हजार कित्ता सेयर सामूहिक लगानी कोषलाई छुट्याइएको छ । महुलीको आइपीओ छिटोमा वैशाख ११ र ढिलोमा वैशाख २१ गतेसम्म आवेदन दिन पाइनेछ । लगानीकर्ताले न्यूनतम ५० कित्तादेखि अधिकतम ६०० कित्तासम्मका लागि आवेदन दिन पाउनेछन् ।  ओ आइपीओमा एनसीएम मर्चेन्ट बैंकिङले बिक्री प्रबन्धकको काम गरेको छ । महुलीले जारी पुँजी चार करोड रुपैयाँको ३०% सेयर सर्वसाधारणमा बिक्री गर्न लागेको हो । आइपीओ बिक्रीपछि संस्थापक सेयरधनीको स्वामित्व ७०% र सर्वसाधारणको स्वामित्व ३०% हुनेछ । यसको अधिकृत पुँजी १५ करोड रुपैयाँ छ । आस्वाबाट पनि सेयर भर्न सकिनेछ ।