• अर्थ सरोकार सम्बाददाता 

काठमाडौँ – माछापुछ्रे बैंकका अध्यक्ष विरेन्द्र प्रसाद महतोले राजीनामा दिएका छन् । बैंक तथा वित्तीय संस्था सम्बन्धि ऐन (बाफिया) कार्यान्वयनमा आएपछि उनले राजीनामा दिएका हुन् । उनले राजीनामा दिएसँगै विहिवारको सञ्चालक समिति बैठकले रोशन के.सीलाई सञ्चालक समितिको अध्यक्षमा मनोनित गरेको छ। 

बैंक तथा वित्तिय संस्था सम्बन्धि ऐनले संवैधानिक पद धारण गरेको व्यक्ति त्यस्तो पदमा बहाल रहुन्जेल बैंक वा वित्तीय संस्थाको संचालक समितिमा बस्न नसक्ने व्यवस्था गरेका कारण बैंकको संचालक समितिका अध्यक्ष महतोले पदबाट राजिनामा दिएको बैंकले जारी प्रेस विज्ञप्तिमा छ ।