• अर्थ सरोकार इलेक्सन ब्यूरो 

काठमाडौँ – काठमाडौँमा १० बर्षपछी एमालेले कम्ब्याक गरेको छ भने माओवादी र राप्रपा पत्तासाफ भएका छन् । माओवादीले जित्ने आँकलन गरेका तारकेश्वर, टोखा, शंखरापुर, बूढानीलकण्ठ जस्ता नगरपालिकामासमेत माओवादी ‘विचरा’ को पात्र हुँदा राप्रपापनि काठमाडौँका जनताले पत्याएनन् ।

०६४ सालको निर्वाचनमा शून्य सीटमा सीमित भएको एमाले ०७० को संविधानसभा चुनावमा आउँदा १० मध्ये २ सीटमा बिजयी भएको थियो । यसपालीको चुनाव एमालेलाई निकै फापेको छ ।यसपटक एमालेको राम्रो ‘कमब्याक’ भएको छ । इतिहास पल्टाउने हो भने विसं. ०४८ देखि ०५६ सम्मको निर्वाचनमा काठमाडौंमा एकलौटी बर्चश्व कायम गरेको एमालेले ०६४ पछि काठमाडौं गुमाएको थियो । ठीक १० वर्षपछि एमालेले गुमेको काठमाडौं फिर्ता गर्ने गरीको प्रगति हासील गरेको छ ।