• अर्थ सरोकार सम्बाददाता 

युएर्इ – दुबर्इमा बस दुर्घटना हुँदा २ नेपाली सहित ७ जनाको घटना स्थलमा मृत्यु भएको छ । दुर्घटनामा परी उपचार गराई राखेका १ नेपालीको बुधबार मृत्यु भएको छ । मृत्यु हुनेहरूमा बासुदेब लामिछाने र चितवनका कृ्ष्ण प्रसाद भुसाल रहेका छन् । एक जनाको पहिचान खुल्न सकेको छैन। घटनामा अन्य ३५ जना घाइते भएका छन् । घाइते हुने नेपालीहरुमा हरि धिमाल (झापा), सागर पराजुली र खेमराज कटुवाल (मोरङ), टेकप्रसाद गुरुङ (चितवन), गुनाबहादुर अधिकारी (निजगढ), धनबहादुर गुरुङ (तँनहु) रहेका छन् ।

गम्भीर घाइतेमध्ये ६ जनाको दुबईको अल रशिद हस्पिटलमा उपचार भइरहेको बताइएको छ । अन्य घाइतेहरूको अल जहरा अस्पातल तथा दुबइ इन्भेस्टमेण्ट पार्क डिआइपीमा रहेको न्यू मेडिकल सेण्टरमा उपचार भइरहेको छ ।