काठमाडौं – ज्योतिको १००% हकप्रद सेयर बिक्री खुला भएको छ । बैंकले १ः१ अनुपातमा १ करोड १० लाख ४३ हजार १७१ कित्ता हकप्रद सेयर बिहीबारदेखि बिक्री सुरु गरेको हो । यो हकप्रद सेयर जेठ ३१ गतेसम्म भर्न पाइनेछ । बिक्री प्रबन्धक सिद्धार्थ क्यापिटल नक्साल काठमाडौं र ज्योतिको केन्द्रीयसहित सम्पूर्ण शाखा कार्यालयबाट यो हकप्रद सेयरमा आवेदन दिन पाइनेछ । वैशाख १३ गतसम्म कायम सेयरधनीले मात्र यसमा आवेदन दिन पाउनेछन् ।

नेपाल राष्ट्र बैंकले तोकेको चुक्ता पुँजी पुर्याउन ज्योतिले १००% हकप्रद सेयर निष्कासन गरेको हो । हकप्रद सेयर बिक्रीपछि ज्योतिको चुक्ता पुँजी २ अर्ब २० करोड ८६ लाख ३४ हजार २०० रुपैयाँ पुग्नेछ । ज्योतिले चुक्ता पुँजी बढाउने क्रममा राप्तीभेरी विकास बैंकलाई एक्वाएर गर्ने सम्झौतामा हस्ताक्षर पनि गरिसकेको छ । चालु आर्थिक वर्षको तेस्रो त्रैमाससम्ममा ज्योतिले १९ करोड २६ लाख ५८ रुपैयाँ खुद नाफा कमाएको छ । यसको प्रतिसेयर आम्दानी २३.३१ रुपैयाँ र प्रतिसेयर नेटवर्थ १३०.८६ रुपैयाँ छ ।