नवलपरासी – सिद्धार्थ बैंकले नवलपरासीको कावासोतीमा शाखा संचालनमा ल्याएको छ । सो शाखाको बैंक संचालक महेश प्रसाद पोख्रेल र भगत विष्टले संयुक्त रुपमा उद्घाटन गरे । बैंकले सो शाखा कार्यालय मार्फत सम्पुर्ण बैंकिङ सेवाका साथम एटिएम सेवा पनि उपलब्ध हुने जानकारी गराएको छ ।
बैंकले हालै चितवनको टाँडीमा रहेका आफ्नो शाखा कार्यालयको पनि औपचारिक उद्घाटन गरेको थियो ।
बैंकले हाल देशभर रहेका ७० शाखा, २ एक्सटेन्सन् काउन्टर, ८८ एटीएम, ७० शाखारहित बैंकिङ्ग सेवा केन्द्रमार्फत बैैकिङ्ग सेवा प्रदान गर्दै आएको छ । चालु आर्थिक वर्षको चैत मसान्तसम्म बैंकले ९५ करोड ७० लाख खुद मुनाफा आर्जन गर्न सक्षम रह्यो ।
