ललितपुर । ललितपुर महानगरपालिका-१५ सातदोवाटोमा युवतीहरुबीच ग्याङ फाइट हुदाँ एक जना घाइते भएका छन् ।
पुरानो विवादको कारण बानेश्वर बस्ने सलिना राई र कोपिला गिरी समूह फाइटमा उत्रिएको हो । राईसहित ६ जना केटीहरुले काभ्रे, बनेपा बस्ने १७ वर्षीया कोपिला गिरीमाथि छुरा प्रहार गरेका थिए ।
घाइते गिरीलाई उपचारको लागि सुमेरु अस्पताल धापाखेल पठाइएको प्रहरीले जनाएको छ ।उनको अवस्था बोल्न नसक्ने छ । घटनामा संलग्न ४ जनालाई पक्राउ गरी प्रहरीले आवश्यक अनुसन्धान गरिरहेको छ ।
