- अर्थ सरोकार सम्बाददाता
काठमाडौँ – ज्ञानेन्द्रवहादुर कार्कीले शेर बहादुर देउवा नेतृत्व सरकारका अर्थमन्त्री भएका छन् । यसअघि जलस्रोत मन्त्री भइसकेका कार्कीले २०५१ पछाडिका सबै चुनाव हारेका थिए । २०५१ सालमा उनी २४ मत अन्तरले पराजित भएक थिए । २०५६ को संसदीय र २०६४ को संविधानसभा निर्वाचनमा पनि उनी पराजित भएका थिए भने दोस्रो संविधानसभामा भने उनी समानुपातिकबाट सांसद चुनिएका थिए ।
देउवा क्याबिनेटमा महेश आचार्य अर्थमन्त्री बन्ने चर्चा चलेको थियो । तर उनको फरक गुट परेकाले मन्त्री बन्न नपाएको गुनासो कांग्रेसभित्रै सुरु भएको छ । निकै नै खान्दानी पारिवारिक पृष्ठभूमि भएका कार्की जलस्रोत मन्त्री हुँदा राम्रो काम गरेको भन्दै प्रशंसा भएको थियो ।
