काठमाडौं । लामो समय देखि देशको सबैभन्दा चर्चाको बिषय बनेको ३३ किलो सुन काण्डका नाईके अन्तत् पक्राउ परेका छन् । त्रिभुवन बिमान स्थलमा प्रहरी र भन्सारका कर्मचारीसँग सेटिङ मिलाएर दुबईबाट सुन तस्करी गर्ने गिरोहका दुई नाइके पक्राउ परेका हुन ।

तस्करीका नाइके अर्जुनप्रसाद खरेल र राजन पन्थलाई युएई प्रहरीले पक्राउ गरेको हो । केन्द्रीय अनुसन्धान ब्युरो (सीआइबी) ले दुबैलाई नेपाल ल्याउने प्रक्रिया अघि बढाएको छ ।

इन्टरपोलको सहयोगमा उनलाई नेपाल ल्याउने प्रयास भइरहेको सीआइबीका एसएसपी शेरबहादुर बस्नेतले जानकारी दिए । खरेल र पन्थविरुद्ध इन्टरपोलले डिफ्युजन नोटिससमेत जारी गरेको थियो । सोही आधारमा युएई प्रहरीले उनीहरुलाई केही दिनअघि पक्राउ गरेको हो ।

सिआईबीले गत पुस २० मा पिंगलास्थानबाट साढे ३३ किलो सुनसहित तीन युवकलाई पक्राउ गरेको थियो । अनुसन्धान गर्ने क्रममा सो सुन दुबईमा रहेका व्यक्तिहरुले नेपाल पठाएको र विमानस्थलमा सेटिङ गरेर दुई वर्षदेखि तस्करी गर्दै आएको खुलेको थियो । 

यता बिगतमा गृहमनत्रीले केहि नगरेको भनेर आलोचना भैरहेको बेला यो काण्डलाई गृहमन्त्री भएका जर्नादन शर्माको एउटा सफलताको रुपमा रहने बताउन थालिएको छ । अब उनले कोकोलाई यो सुनकाण्डमा जोड्छन् त्यो भने केहि दिनमा नै थाहा लाग्ने छ ।