- आश तमु
पोखरामा प्याराग्लाइडिङ दुर्घटना हुँदा पाइलटको मृत्यु भएको छ । सोमबार दिउँसो प्याराग्लाइडिङ उदाउने क्रममा फेवातालमा खसेका २७ बर्षिय पाइलट प्रभात सुवेदीको डुबेर मृत्यु भएको हो ।
पोखरा लेखनाथ ३३ का स्थानीय सोलो पाइलट सुवेदी ब्लूस्काई प्याराग्लाइडिङबाट डेभलपमेन्ट ट्रेनिङमा सहभागी भएका थिए । उनको रेस्क्यु प्याराग्लाइडिङ सिक्ने क्रममा तालमा डुबेर मृत्यु भएको प्रहरीले जनाएको छ ।
तालमा डुवेका सुवेदीलाई उद्धार गरी पोखराको मेट्रोसिटी अस्पताल पुर्याउदा उनलाई डाक्टरले मृत घोषणा गरेको हो । उनको शव अहिले पश्चिमाञ्चल अस्पतालमा राखिएको छ ।
