">
सल्यान । क्रान्तिकारी पत्रकार संगठनले समाचार लेखेकै कारण सरकारले पत्रकारहरुलाई भकाभक गिरफ्तार गरेको भन्दै अापत्ति जनाएको छ ।
संगठनका राप्ती ब्युरो संयोजक डिल्लीराज रावतले अाइतबार एक विज्ञप्ति जारी गर्दै राप्तीका विभिन्न जिल्लाहरुबाट गिरफ्तार पत्रकारहरुको रिहाईको माग गरेका छन।
रावतले समाचार संकलनको क्रममा नेपाल कम्युनिस्ट पार्टीका नेताहरुसँग सामान्य भेट-छलफलकै अाधारमा पत्रकार पुष्टमान घर्ती, राजेन्द्र राउत, यांक पुनलाई हिरासतमा राख्नुका साथै सार्वजनिक मुद्दा चलाएको बताएका छन् । राज्यले प्रेस स्वतन्त्रताको गम्भी उलंघन गरेको भन्दै रावतले विज्ञप्तिमा गिरफ्तार पत्रकारलाई तिरुन्त रिहाईको माग गरेका छन् ।
त्यसैगरी पत्रकार हरि भण्डारी र लिलाराम बुढालाई नियन्त्रणमा लिएर केरकार गरिएको घटनालाई पनि अाफूहरुले गम्भीर रुपमा लिएको रावतले बताएका छन् ।
