नवलपरासीको दाउन्नेको उकालोमा बस दुर्घटना भएको छ । दुर्घटनाको यकिन बिबरण आउन नसके पनि २९ यात्रु घाइते भएका बताईएको छ । घाइतेमध्ये पाँच जनाको अवस्था गम्भीर छ ।
शनिबार बिहान साढे २ बजे वर्दघाट नगरपालिका– ४ दाउन्नेको उकालोमा नेपालगञ्जबाट काठमाडौंतर्फ आउँदै गरेको ना ६ ख २९४६ नम्बरको बस दुर्घटनामा परेको हो ।
बस उकालोमा तान्न नसकी सडकबाट अन्दाजी १५ मिटर तल खस्दा २९ जना घाइते भएको प्रहरीले जनाएको छ । दुर्घटनापछि बसका चालकलाई दाउन्ने प्रहरीले नियन्त्रणमा लिएको बताइएको छ । घटनाबारे थप बिबरण आउन बाकि छ ।
तस्वीर : गुगल
