१२ बर्षअघि नेपाली सेनामा प्रवेश गरेकी श्रृष्टी खड्का गुल्मपति भएकी छिन् । नेपालको सैन्य इतिहासमा उनी पहिलो महिला गुल्मपति बनेकी हुन् । १७ माघ २०६२ मा नेपाली सेनाको अधिकृत क्याडरमा छिरेकी खड्काले १ साउनदेखि गोरखकाली गुल्मको जिम्मेवारी समालेकी छिन् ।

उपत्यका पृतनाभित्र सेनाले महिला सैनिकका लागि छुट्टै गोरखकाली गुल्म खडा गरेको छ । गुल्मको प्रमुख पनि महिलालाई नै बनाएको छ । गुल्मपति हुन स्टाफ कलेज पास गर्नुपर्ने कानुनी ब्यवस्था छ । तर महिलाको हकमा लागु नहुने सैन्य प्रवक्ता झंकरबहादुर कडायतले बताए ।

खड्का नेपाली सेनाभित्र उत्कृष्ट अधिकृत मानिन्छिन् । उनले सेनाको मनौबैज्ञानिक शाखा, सुदुरपश्चिम पृतना हेडक्वाटर, राष्ट्रिय सेवा दलमा बसेर काम गरिसकेकी छिन् भने शान्ति स्थापर्ना सुडानमा खट्टिने टोलीको नेतृत्व समेत गरिसकेकी छिन् । उनी मेजर हुन् ।