काठमाडौं । विहीबार ब्यवस्थापिका संसदमा दोहोरो सुविधा लिने मुख्य सचिव सोमलाल सुवेदी र सरकारको चर्काे आलोचना भयो । मुख्य सचिवबाट राजीनामा नै नदिई एडीबीको जागिरे हुन पुगेपछि मजदुर किसान पार्टीका सांसद प्रेम सुवालले सुवेदीलाई दलालको संज्ञा समेत दिए ।

सांसदहरुले चर्काे विरोध गरेपछि सभामुख ओनसरी घर्तिले सरकारको ध्यानआकर्षण गराउन ब्यवस्थापिका संसदको प्रधानमन्त्री कक्षमा पुगिन । संसद सकिएलगतै प्रधानमन्त्री शेरबहादुर देउवालाई भेटेकी सभामुख घर्तिले भनिन् मान्यज्यूहरुबाट विरोध भयो, मुख्य सचिवलाई राजीनामा गराउनु परयो ।

सभामुखको ध्यानआकर्षणमा प्रधानमन्त्री देउवा हाँसे । उनले हल्लाका पारामा जवाफ दिए, ह्या सभामुख महोदय, यस्तो त हुँदै गर्छ, सवै कुराको पछि लागेर कहाँ साध्य हुन्छ । अब नयाँ मुख्य सचिव आइसक्नु भएको छ, यो सवै कुरा मत्थर भइहाल्छ ।

त्यसपछि सभामुखले राजीनामा नगराउँदा देशको इज्जत जाने हुने बताएन । दोहोरो सुविधा लिने र देशको इज्जत जाने काम रोक्दा राम्रो हुने बताइन । तर प्रधानमन्त्री देउवाले त्यसलाई ठुलो चासोको रुपमा लिएनन् । प्रधानमन्त्रीले चासो नदिएपछि सभामुख बाहिरिइन । – एस काठमाडौँ